أيها الزائر قبري .... أتل ماخط امامك

Tuesday, August 08, 2006

سارة .. مانويلا ... المخدرات وصلت مصر


أشهد أن لا اله الا الله ... وأشهد أن محمدا رسول الله
وبعد طول انتظار ... وبعد صبر الأيام وسهر الليالي و حرب اطاليا ... تكرم سماحة القائد الأعلى وزير الصحة باعتماد نتيجة النيابات
الحمد لله
أتتني اخيرا نيابة التخدير المرجوة في القاهرة
وبعد أن تيبست المشاعر واهترأت الأعصاب وسالت الدموع والدماء على بلاط التكليف بالريف العفيف ... لازال بالمرء نفخة روح يمارس بها الحياة بعد أن ظل ممارسا عاما لعام كامل
انتهى عصر اللاهوية ... انتهى زمن البوسكوبان والكورتيجين ... واّلاف العيال الذين (يسترضون) و(يستنطقون) ويشكون من (اّلام بالمحاشم) ... يامحاشم الصدف
وداعا يامستشفى شلهوب العرس (بكسر العين وفتح الراء وضم الساقين) ... انا ذاهب للزحمة وعوادم السيارات وتذكرة المترو أم جنيه
الحمد لله تاني
المخدرات وصلت مصر يابن رشد .... المخدرات في أمان
______________________
لم نمت بعد .... يمكننا أن نبدأ من جديد

29 comments:

ادم المصري said...

انت بتروح فييييييييين

كل مرة ترجع كده بقنلة وتسيبنا
حراااااااااام عليك يا اخي

بعدك على بالى said...

صديقى العزيز ..

مش عارفة ليه قررت سلفا رن الجرس.. يمكن لان الاشياء الجميله بنكون حريصين عليها اكتر، بنخاف عليها تتكسر.. عموما.. دعنا نرقص التانجو فهو أجمل(لاحظ فروق التوقيت الزمنى بينا)..

صديقى الجميل( شكلك حتندم لانك خليت البساط أحمدى)

أدعوك على الملأ لأن تصفح عن مدونتى وأن تلغى قرار مقاطعتها..فالاحصاءات سجلت غيابك عنها بوستين حرمنا فيهم قهرا او سهوا من شرف الزيارة ...

حفار قبورنا الرائع

لازالت تواصل عبر هذه التدوينه ترسيخك لكتابه ساخرة ، مريرة ، تختلط فيها وتتشابك الاشياء ..الاحلام والاوجاع مزيج رائع ستظل فيه متفردا....

خالص تحياتى ومودتى

placebo said...

مبروووك..على فكره أنا كنت فى الوزاره بالصدفه ساعة ما علقوا النتيجه و افتكرت البوست بتاع الموظفه اللى قالتلك تعالى أول الشهر و دعيتلك يا عم..يالا بقى ادعيللى أنا كمان

إ بـ ر ا هـ يـ م said...

مبروك يا دكتور .. بس انا عايز افهم الموضوع ده بالظبط .. يعني ايه تكليف و ايه نيابه ؟ و ازاي اخد النيابه علي اساس ايه ؟ طيب بقعد كام سنه في التكليف ؟ انا بسمع كلام مختلف بس قلت مفيش غيره فهرنهايت باشا الراجل السكره

زنفل المعجباني said...

ألف مبروك و ألف مليون تحية بمناسبة نيابتك في القاهرة المحروسة




ملحوظة: التهنئة لسكان شلهوب العرس مش لسيادتك و بكرة تتمنى ضفر شلهوب العرس أو شبشير الحصة و لا تطولهاش. على العموم دي ضريبة اللي يدخل طب و أبوه مش ستاف أورياس و لا مؤاخذة

Epitaph said...

احم احم
فيه حاجة محتاجة توضيح
مش فاهمة اوي الصراحة
لاول مرة اشعر بالعجز عن الفهم و الغباء ههههه
بس مش مكسوفة اني اسأل سيادتك يعني
نور المحكمة

مبروك ع لينك الاغنية
حاولت طبعا اني ابعتلك الكود في تعليق بس مرديش يطلع
معلهش بقي

Anonymous said...

1000 congratulations man ..and it`s gonna be a real loss for the people of shelhoub el3ars " I wonder if its a name or an insult..!"
Anyway fella the difficult task is gonna come with u having to do lots of Et tubes ,Central lines
..dealing with interesting drugs sux ,flax ,trachium etc etc ...
Its wonderfull field really and we are glad in having u in it..

21arestoo said...

اوكي

Anonymous said...

حركة النيابات
http://view.samurajdata.se/rsc/569a6eb4/

451 فهرنهايت said...

اّدم المصري
أنا موجود لسة ... بس تصفح المدونات بالنسبة لي ليس نشاطا يوميا (حسب التساهيل والانشغالات) ... أنما بحاول اواظب عليه من أجل كل الناس الحلوين اللي هنا
:)

بعدك على بالي
ياخبر أبيض !! اقاطع مدونتك ليه؟
اعتقد عموما ان ردي على بوستك اللي فات وصل ... لأني عدت الى المدونات يوم عدت الى الحياة ... وكانت تدوينتك من أول ما قرأت
أما التانجو والتويست وأخواتهما فمش مهم الفترة الزمنية .... المهم نية الرقص
هوة التانجو دة زي الانجليزي من الشمال لليمين؟

بلاسيبو الغائبة
حمدا لله ع السلامة .. شكرا على الدعاء ,ربنا استجاب
ربنا يوفقك انت كمان... أنا عارف انك عايزة جلدية ... بس مش عارف اخبار السنيورز معاكي ايه ... أرجو أن تكون الأمور قد تحسنت

ابراهيم
شوف ياأبو خليل ... التكليف دة زي الجيش للدكاترة بالضبط (يعني ممكن تقعد فيه سنة أو سنتين حسب التخصص اللي انت عايزه وهاتقدم على نيابته اذا كان هاينزل بعد سنة أو سنتين) ... النيابة هي اعلان وزارة الصحة عن حاجتها للتخصصات المختلفة ويتم التقدم لها وتنسيق الرغبات بها زي رغبات الثانوية العامة كدة .. بالمجموع والأقدمية غالبا .. أو بعض الكوسة كما تسير الأمور دوما )
طبعا فايدة النيابة أنها تمنحك الحق في التقدم لتسجيل الماجستير ...اعتقد اني قلت بعض هذه الأشياء في بوست سابق (حكايات من مستشفى أبو جهل التعليمي - الحلقة الثانية) ... اقرأه فقد تجد
بعض الأجوبة ... وأنا تحت امرك ... وشد حيلك

زنفل المعجباني
مبروك عليهم وعلينا .. وشكرا على مرورك

ابيتاف
مش مشكلة لنك الصوت ... دعبست الحمد لله عليه ... شكرا لك برضه ... ايه بقة اللي مش واضح؟ ... ممكن تراجعي ردي على ابراهيم

أنونيموس
الله يبارك فيك ... الكلمة ليست اهانة أو شتيمة أبيحة لو اتبعت طريقة النطق الصحيحة الملحقة بكتيب الارشادات اللي باللون الأخضر بين القوسين ... طبعا هو اسم وهمي لايمت بصلة للواقع والعهدة على المؤلف
شكرا على مرورك

21aresto
ثانك يو ... نيفرمايند

أنونيموس (مش عارف اللي فات ولا واحد تاني)
شكرا ... هو على موقع الوزارة الشريفة العفيفة
www.mohp.gov.eg
حركة تنسيق مارس

بعدك على بالى said...

حفار
كل سنه وانت طيب بمناسبة مرور سنه على انطلاق مدونتك .. وعقبال مليون سنه و انت أكثر إزدهار و تألقا ...

تحياتى و مودتى

Epitaph said...

aha..I got it just now...ma3lesh ya seedy , rabna m3ak weywafa2ak! :)

W SA7EE7..kol sana wel blog tayb :D

بعدك على بالى said...

حفار ..

برد الدين .. سايبه لك تاج يازعيم


خالص تحياتى ومودتى

Anonymous said...

أول مره أقرأ مدونتكـ .. بس بجد رائعه عجبني كلامك�th.month=05

Sampateek said...

مسؤولية قوية
ربنا معاك
خدر الناس بس بشويش
اصل الناس متكيفة جاهزة
متنسناش من مخدراتك
خالص امنياتي بالتوفيق
و الف مبروك

حــلم said...

شكلك مخاصم مدونتى انا بس

بس برضه مبروك

تعالوا زورونا

مع السلامة

باااى

BaTaBeeT said...

انا شربت حشيش يا سعاد

نياهاهاهاهاها

ادم المصري said...

ما ترجع بقي يا غلس

إياكش تولع said...

ألف مبروك يا باشا

أنا هناك قعدت أكثر من ساعة أدور على اسمى لا لقيته مع الناجحين و لا الساقطين!!!!

و انا طالع عشان اتخانق معاهم،اكتشفت ان دى نتيجة دفعتك(2005) مش دفعتى(2006).....كان منظرى يكسف الصراحة

عالعموم مبروك تانى و عقبال الدكتوراة

451 فهرنهايت said...

بعدك على بالي
متشكر جدا ... والله أنا نسيت خالص حكاية السنة اللي مرت واليوبيل الفضي و الحاجات دي
وان شاء الله التاج هاعمله في القريب العاجل

ابيتاف
الحمد لله المعلومة وصلت ... وأنا اّسف اذا كنت لم أوضح من البداية

أنونيموس
شكرا

كلبوزة وسمباتيك
شكرا لك ... حلوة أوي خدرهم بشويش دي
:)
جاري ارسال كمية المخدرات المطلوبة يافندم

حلم
هذه هي عواقب كسلي السابق وانشغالاتي الحالية . ان الناس متخيلة أني توقفت عن متابعتهم (بلاش والنبي الاتهام بالمقاطعة .. تهمة قاسية بجد)
الموضوع ومافيه أني بدأت في اجراءات الاخلاء من المديرية التي أتبعها لاستلام النيابة وهو أمر ممل حافل بالامضاءات والأختام ورذالة الروتين ... بالاضافة الى انشغالات اخرى ... باذن الله حين تستقر أموري سأنتظم في المتابعة ... لاتزعلي وحقك علي ياستي

بطابيط
ألف سلامة ... تعال الاتنين خد الأشعة

اّدم المصري
مانت لو عرفت ظروفي مش هاتبقى حامي عليا أوي كدة ... معلهش اعذرني

our phentermine
شكرا

اياكش تولع
عقبالك انت أيضا يازمل ... هانت يازعيم ... للأسف الجلدية لازم تنتظرلها سنتين ... مش عارف اذا كان الاقبال على الجلدية كبير أو لا , بس خلي بالك .. بلاسيبو منافس خطير معاك
ربنا يوفقك

كنوز said...

hei
would u give alook at my blog

تمر حنه said...

ياحومتى يقطعنى - أنا دايما متأخرة كدة
أصلى - وشى منك فى الأرض كنت بصيف - أستر عليا يا فهرنهايت
أولا ألف ألف مبروك - و بعدين : شلهوب العرس ؟؟ليه ياجدع؟
طب العرس و بانت بعد ماشكلتها- طب شلهوب دى يعنى ايه؟
طبيعى يابنى تكون مكتأب و بتكتب البلاوى اللى فى البوستات اللى قبل كده - شلهوب العرس؟؟
أنا عالعموم مستعدة أتعاون معاك فى النيابة دى و بالذات بعد مالدفاس و ابو دقشوم راحوا فى الحادثة

Anonymous said...

حمل نشيد المقبرة على موقع تاني
www.geocities.com
مثلا

ادم المصري said...

ارجع بقي

Ahmed Shokeir said...

ياخبر ابيض إنت هاتشتغل في وزارة الصحة ، دول بيدوا باين تلتميت جنيه

عموما اعجبتني روحك العالية في نهاية البوست

لم نمت بعد .... يمكننا أن نبدأ من جديد

تحية خاصة للجميلة البيضاء ساندرا وايت ملكة الإسبام

جاتكوا نيلة مليتوا البلد اقصد المدونات

Sampateek said...

واضح انك رحت تبنج الناس اتبنجت انت و لا حس و لا خبر
عد يا فهرن يا خويا



الفوقان احسن
من التحتان

sword said...

الف الف الف مبروك يا راجل..دا مش ليك دا ليا..انا كمان كنت مستنى النيابة دى على نار..بس انت كنت فى حته مأهولة بالسكان..انا كنت فى شمال سينا و ما ادراك ما شمال سينا..كفارة يا معلم..
بلوجر جديد جديد حقيقي

still breathing said...

أول سطر حسسني انك رايح تجاهد...بعد لما قريت البوست كله حسيت ان الجهاد أسهل بكتييييير

ربنا معاك

:)

Anonymous said...

It agree, very useful piece

;