أيها الزائر قبري .... أتل ماخط امامك

Thursday, February 08, 2007

أن تكون طبيب تخدير

منذ سنين وقفت الى جوار طبيب تخدير محترم ... كان يمسك بمحقنين كتب عليهما اسماء الادوية الموجودة داخلها ... وقبل ان يحقن كان دوما يقول (يارب استرها معايا) .. يومها لم ادر لتلك الجملة التي كان يكررها روتينيا سبب واضح ... اظن انني بدأت افهم السبب هذه الايام
__________________________
أن تكون طبيب تخدير ... يعني انك مقبل على مقامرة ما , أو على فتح بطيخة لاتدري بالضبط محتواها كلما بادرت بتخدير مريض ... وأسوأ مافي الامر ان الكوارث عندما تأتي , لاتكون مصاحبة باجراس الانذار , ولاتتلون الشاشة بالأحمر كما في العاب الكمبيوتر والافلام ... اسوأ مافي المصائب أنها تأتي في هدوء ... وترحل كما اتت ... في صمت جليل
أن تكون طبيب تخدير ... يعني انك مضطر يوميا للكذب على اّلاف العيال قبل العمليات بدعوى لبس الساعة للتصوير (رباط ضاغط لوضع الكانيولا ) ويلا ننفخ البالونة ( استنشاق الغاز المخدر) ... ترى كيف كان شعورك مع عملية الطهارة التي تمت لك بعد خداع وتاّمر من أقرب الناس اليك؟
أن تكون طبيب تخدير .... يعني عجزك المستمر عن التركيز اثناء الصلاة بينما مريض ما في غرفة العمليات تحت تأثير البنج على مقربة منك لايلاحظه غيرك مع احساس مستمر بأن مصيبة ما في الطريق أو ان المريض قد انتقل في صمت الى الرفيق الاعلى , بينما الاخوة الجراحين لازالوا يمزقون الاحشاء وهم يتطلعون الى (الايمدج) / الأشعة بشبق وتوحش
أن تكون طبيب تخدير ... يعني ان علاقتك بمهارات الجراحة وخياطة الجروح التي كنت تعشقها ايام الامتياز قد ولّت ولم يتبق امامك من مهام الجراحة سوى محاولاتك المستميتة لفصل البرتقالة عن قشرتها باستخدام الملعقة البلاستيك العقيمة بعد الفراغ من وجبة عديمة المذاق في مطعم المستشفى
أن تكون طبيب تخدير ... يعني ان عادة سيئة تتكون لديك وهي التطلع باستمرار الى اوردة البشر في محاولة خيالية ملحة لايجاد افضل وريد يصلح لأضخم كانيولا ممكنة ... لي زميل طمع في عروقه شخصيا وقام بتركيب الكانيولا لنفسه لاطفاء نار الرغبة .. طب والله حصلت
أن تكون طبيب تخدير ... يعني أن تبتسم دوما لكل جراح وهو يعطي اللمسات النهائية على خياطة الجرح بينما يقول لك في ثقة (احنا خلصنا يابيه) ... وعندما تتأمل الوقت الطويل الذي قضاه صاحبنا في العملية دون داع سوى الخرق وقلة الخبرة , وتتأمل خياطة الجرح المشوهة , والدماء التي تملأ المكان بعد نزيف عظيم .. يكون ردك التقليدي الجاهز بعد كل هذا (ياباشا تسلم الأيادي) ... مرارا فكرت ان اغير الرد الى (تولع الايادي) ,لكن لا .. لم افعلها بعد
أن تكون طبيب تخدير ... يعني احساسك المستمر بأن كل من يناديك غالبا ليبلغك بكارثة ما خاصة بالتخدير ... تدريجيا صار عندي هاجس ان كل من يكلمني (حتى في الشارع أو لايعرفني اصلا) يقول لي في هدوء (الحق .. عايزين حد تخدير في أوضة 5) ... 0
أن تكون طبيب تخدير ... يعني أن الناس لم يعودوا يقسمون الى فئات حسب اللون أو الجنس أو الدين .. بل حسب لياقتهم للتخدير الى مرضى لايصلح لهم الا البنج الموضعي , ومرضى ينامون كليا بعد محايلات واستعدادات وتحسب للمصائب وخناق محترم مع الجراح , ومرضى في أسوأ حال من عينة (الراجل فيكم ييجي وينيمه) , ومرضى لاتوجد فيهم مشاكل من أي نوع ( والملاحظ ان اغلب مصائب التخدير تأتي من تلك الفئة الاخيرة , ولاتسأل عن السبب) 0
أن تكون طبيب تخدير ... يعني انك مدان قبل أن تبدأ أو تتكلم أو تتعامل مع اي كائن ... يعني أن تستسلم للفكرة الساذجة المكونة لدى الجميع بأنك (ذاك الرجل الذي يقتل المرضى بسبب الجرعة الزائدة) .... يعني أنك مطالب بايجاد أوردة لمريض مستعصي حاول فيه قبلك عشرون ممرضة وثمانية اطباء من تخصصات عديدة بعد أن قضوا على جميع الاوردة بمحاولات غشيمة عرجاء(من باب التجريب وامتحان خبرات أياديهم الطاهرة اللي عايزة قطعها) , والمفروض ان تجد الوريد بنجاح والا فان نظرة غبية ستتكون على الوجوه من عينة (أمال تخدير ايه بقة؟!!)... يعني انك الرجل الذي يحلوا للجميع الكذب عليه واخباره بأن المريض صايم وتحاليله زي الفل ومستعد تماما للعملية , (ربما الى درجة تزوير نتائج التحاليل) ... احد الاخوة البنجاوية سأل مريضا يوما (اّخر مرة أكلت امتى ياحاج؟ ) .. فتلفت الحاج اللئيم يمنة ويسرة متوجسا قبل ان يجيب في خبث ( انا لسة واكل من ساعة , بس والنبي ماتقول لبتوع البنج) ..!!. يبدو ان البعض لابد وأن يحاكم بتهمة الغباء على رأي السادات
أن تكون طبيب تخدير ... يعني انك متيقن من ان احساسك بالام الناس يقل تدريجيا بدءا من جو الرهبة المغلف لغرفة العمليات (بينما هي بالنسبة لك كجو البيت أو اكثر), مرورا بتركيب الكانيولا ( لأنك نسيت احساس ان احدهم يغزك باستمرار مطالبا اياك ان تصبر وتكف عن الدلع ... انها مجرد شكة كشكة الشنيور)... والماسك الاسود الكئيب المعبق ببقايا رائحة الغاز المخدر ( طبعا لأنك اعتدت ان تكون فوق الماسك لا أسفل منه بينما شخص تراه بالمقلوب عند رأسك يأمرك بالهدوء مع اخذ الانفاس العميقة والعد) لن يلومك احد اذا لطمته بغلّ وفررت هاربا من هذا الجحيم
أن تكون طبيب تخدير ... يعني أن وقتا طويلا سيمر قبل التدوينة القادمة لأن الاسبوع القادم حافل بالعديد من النوبتجيات والمفاجئات الغير سارة التي ستحتاج الى وقت قبل اعادة التوازن وممارسة الحياة الطبيعية
________________________
عندما أبدأ في كل مرة ... اسأل نفسي .... هل ستكون هذه هي المرة الأخيرة؟

34 comments:

Anonymous said...

معلش يا دكتور . استحمل دي اخرة اللي يقل عقله ويخش طب مش هاقولك بقى دي ضريبة ولازم تدفعها عشان انا اللي بيقوللي كدة ببقى عايزة انط في كرشه.
بجد يا دوك عمرك ما فكرت ان ده مش مكاني انا عايز اكون في مكان تاني بعمل حاجة تانية انضف شوية بس خايف من راي الوالد والوالدة وضياع تعب السنين هدر.

Neno said...

i wanted to comment, on many of ur posts, actually
i've checked ur blog lately, and i really regret not checking it before, but better late than never

begad begad, i love ur style in writing more than much, u should write stories really
i noticed from the posts, u watch shahine's movies, and if u do, then my admiration will increase alot, coz i love his movies
ur posts about medecine, is really comes from the depth of reality
i have a different experince with it actually, although im studying engineering, but my grandpa (Rabena ye7'aleh) kan 3amed kolet 6eb, le fatra mosh ba6ala ya3ne, gaea7 momtaz, and from the ironic, 3 years ago, he spend a whole 3 months in the icu, wz a fracture in the bottom of the vertebral column, was about few millimeters, from the nerve, thank God he is okay now, but i remember walking everyday through the icu, with its cold breath, and sound of the devices, the annoying talking of the nurses ( i always hate them), in somehow. sorry if i talked about this, its just u made me recall it.
ta7yate, we atmana lak el tawfeq, we keep writing
btw, lea wa7da sa7bete, her parents dacatret ta7'der, dayman te2ol, betna feh mo7'adarat:D
ma3lesh 6awelt 3alek...

walaaz said...

لما أشتغلت فترة فى ال
blood analysis
كنت بقف فى المترو وفجأة أكتشف انى مبحلقة فى ال
veins
بتاعت اللى واقفة قدامى وبقارنها باللى جنبها مثلا وانهى أوضح و ينفع معاها سرنجة خمسة ولا تلاتة

فأعتقد يعنى أنك أكيد بتفتكر شكل الأوردة فى أيد الناس اللى تعرفهم أكتر من ملامح وشهم :)

فى العموم لكل مهنة مآسيها الخاصة ..يعنى الممرضة وأطباء التخصصات التانية أكيد برضه عندهم أستعداد لوصف طبيب التخدير اللى موت المريض بالغشيم

بس أبهجنى برضه انى عرفت أن أطباء التخصصات المختلفة نقرهم من نقر بعض كمان مش مع الصيادلة بس :P :)
-----------
ألمتنى جدا حكاية (العيال) يعنى بصراحة بقيت أحس انى بفقد أنسانيتى بالتدريج لما أدى لطفل بونبناية وبعدين أكشرله عشان لازم يتشك
و المشكلة بعد كدا لما تبطل (تحس) بكدا بقى !

ملحوظة أخيرة ..
نشيد المقبرة راح فين؟

محمود عزت said...

كويس إني قريت التدوينة دي و أنا داخل على إمتياز
كده الواحد يتخصص تناسلية أرحم !
:)

Mony The Angel said...

:|
da leeh al ekt2aab da bas :(
enta leeh baseslaha melgamb alwe7esh..
leeh msh btbos lelnaas ally 3aisheen w kwaiseen w f west 7abaiebhom now..
just 3shanak enta edethom al7o2na alsa7 felmakan alsa7 felwa2t alsa7..
berra7a 3ala nafsak shwaia, sure hia msh 7eml ally bte3melo feeha da :)
btw.. thanks awe 3shanak 7'aletny a2adar doctor albeng awee :)

Mony The Angel said...

:|
da leeh al ekt2aab da bas :(
enta leeh baseslaha melgamb alwe7esh..
leeh msh btbos lelnaas ally 3aisheen w kwaiseen w f west 7abaiebhom now..
just 3shanak enta edethom al7o2na alsa7 felmakan alsa7 felwa2t alsa7..
berra7a 3ala nafsak shwaia, sure hia msh 7eml ally bte3melo feeha da :)
btw.. thanks awe 3shanak 7'aletny a2adar doctor albeng awee :)

Mony The Angel said...

:|
da leeh al ekt2aab da bas :(
enta leeh baseslaha melgamb alwe7esh..
leeh msh btbos lelnaas ally 3aisheen w kwaiseen w f west 7abaiebhom now..
just 3shanak enta edethom al7o2na alsa7 felmakan alsa7 felwa2t alsa7..
berra7a 3ala nafsak shwaia, sure hia msh 7eml ally bte3melo feeha da :)
btw.. thanks awe 3shanak 7'aletny a2adar doctor albeng awee :)

aliaa said...

7asbi alah wy n3em el wakil,ana kont nawia a7'oed nyabet ta7'deer bas bardo no way yanna ya el ta7'deer fe el balad deh

ملك said...

باشا
البوست اللى فات موتنى من الضحك الصراحة و البوست ده تكملة لشكوى من الاصدقاء الاطباء و الوالد اللى بيسب كل يوم و بيبوس ايده وش و ضهر انه اخيرا طلع معاش من غير مشاكل تأكيدا لحاله الطب المسخرة و ان الدكاترة العظماء بيتعلموا بالتجربة فى العيانين
بس الصراحة مش عارف اقول ايه الدكاترة و العيانين و الناس اللى فوق و الناس اللى تحت كله فى المحرقه ولا حد هايزعل
سلام يا باشا حاول تعمل معادلة بتاعة الامارات و تهج انا عملت كده بس راجع تانى علشان حمار

بعدك على بالى said...

أن تكون مريضا فى هذا الزمن يعنى ان تسلم قدرك لمن يعبث به.. قهرا لا اختيارا... عفوا يا ايها الطبيب الحكيم، فالعبث هو التوصيف الادق للطب، والذى لم يعد علما وإنما "بختك يابو بخيت" ناهيك طبعا عن افتقاده تماما للرحمة و اعتباره رسالة أو.. الى اخر تلك التفاهات كما يراها البعض من اولئك الاطباء او ما نطلق عليهم كذلك، اولئك الذين تناسوارسالته عمدا، سهوا أو جهلا لا فرق...

ملحوظة
فى رحلتى الاخيرة بين اروقة المستشفيات، ومع كل طبيب تخدير اضطررت للتسليم له، كنت ابحث وبصدق عنك، فطالما هناك "رعبا" أخر سوف يجىء، فليكن بيد من تأمن له ( على الاقل يكون هناك شيئا وحيدا مضمونا فى تلك الرحلة)

تحياتى لك ايها الحكيم القادر (حتى الان)على الاحتفاظ بما لديه من مشاعر و احاسيس ...
دمت بخير

Anonymous said...

من خبرتي الطويلة مع الدكاترة كمريضة بالسرطان (المفروض أني خفيت) شفت دكاترة أنف وأذن وعلاج أورام ده غير الجراحين أحسن دكاترة هما دكاترة التخدير خفيف وبيضحكوا بيرفعوا الروح المعنوية للمريض وكمان البنج الي بيدهوله لذيذ. يبقى بالذمة مش لذاذ؟

ME said...

عندما أبدأ فى كل مرة أسأل نفسى هل ستكون هذه هى المرة الأخيرة؟! .. بالذمة مش كلنا بنسأل نفس السؤال مع اختلاف المواقف؟!الله يعينك .. ويبعد عنك كل سوء .. و هابى فالنتين :) .. تحياتى

أحمد الشمسي said...

سبحان الله...
هذه التدوينة هي رسالة ربانية لي قبل أن أكتب رغباتي بعبط وقلة خبرة وأختار تخدير (على أساس أن الكل ينصحني به باعتباره منجم دهب)...
اسمح لي ادي عنوان البلوج بتاعك لأي حد يقول لي بعد كده: خد تخدير يا بني.. تخصص ممتاز!

Sampateek said...

ياه

الحمد لله اني نفدت

ههههههه

مازال قدامك فرصة لتغيير كاريرك

---
ترزي القبور
يفصل لكم احلى ملابس الحفل الاخير
و الاجر
يوم الحساب
--
تحياتي

سمير said...

اهم حاجه الموني الاوبيب الفلوس بدل العدوي بدل متاعب المهنه بدل النوبتجيات وصل كام دلوقت عدينا مرحلة ال 280 ولا لسه؟

eldoctor said...

تدويناتك تأتى على الجرح .. و اشعر انك تكتب مواقف حدثت لى ..
تحياتى

reham said...

تسلم ايد دكاترة الكانيولات كلهم..و انا فى بطن العيان ببص على المونيتور و على النفس كمان و بتابع لون الدم..ساعات بزعق لما المضاد الحيوى ميكونش اتاخد او كيس الدم لسه اللى بيجيبوه بيدلع فى الطرقة..بس بجد لما بتوع التخدير بيبئوا جدعان بتبقى العمليات فلة..غير كده بتبقى معجنة..و سلم لى على قوضة 3 و 4

i`m just depressed said...

كان نفسى اعلق قبل كل الناس بس جيت متاخر بس "بتر ليت ذان نيفير"وصدقنى انت قادر جدا جدا على التعبير عما يجول فى خاطرك و عن مشاكلك و اوجاعك الخاصه ببراعه بل و جعل الجميع يشعر بها كما لو كانت اوجاعهم الخاصه.ربنا يوفقك يا دوك ولا يضيعلكش وريد ولا يغلبكش فى كانيولا.و اله ينيملك كل حاله و يصحيهالك اخر تمام قادر يا كريم خد من قلبى وسر خد من قلبى و سر

Amr Ahmed said...

ايه يا دكترة

ليه بس الكابة دي

بس برضو فيه لمحة كوميدي في الموضوع

وياسيدي ربنا يوفقك

ومش لازم تنسي الناس اللي بتشفي

انت بتعمل خير كتير

ربنا يجازيك عليه

bastokka said...

و دعني اضيف
ان تكون طبيب تخدير يعني انك
مأذون


تعالىشوف طهقان عامل فيا اية

طهقانة

بنـت ســعد said...

كل مرة اجي المدونة اقرر انى اكتب تعليق

ثم كأجدع قرار مصري

مكتبش

المهم اسلوبك راقي في الكتابة حتى الساخرة منها و ده اللى عاجبنى جدا

تمنياتي بالتوفيق طوال الاسبوع القادم

thanks God ....the life is not infinitive although it`s in few time very wonderful said...

على فاكرة أسلوبك رائع و يدخل القلب و معبر جدا مع أن فيه لمسة درامية واضحة و احساس شديد بالرهبة , ع العموم لازم حد يضحي و لازم حد يجازف ,سعيدة جداااا بمعرفتك و ربنا يوفقك و يسترها معاك و ياريت كل الاطباء يبقى عندهم قلب زيك .

radwa fouad said...

ezhar ba2a ya sherif!!

ert3ashat said...

Raheeeeeeeeeeeeeeeeeeeeeb 3latoooooool metab3ak wna kman fe tebb fa wakhed sora mobehga 3an el 7yah wlahy :D:D....bs begad damakk KHAFEEEEEEEEEEF

Anonymous said...

TO BE GOOD U MUST BE ON TOP

S
T
R
O
N
G

Anonymous said...

بالله العظيم انت لم تضغط الجرح بل أدميته وأحد الردود يقول ليه الكأبة أكيد بعد عن التخصص
أنا أستاذ تخديىر باحدى الجامعات وفكرت من بدايه فترة مدرس مساعد الى توا فترة استاذ مساعد الى تغيير التخصص ولكنى فشلت والحمد لله ضغط وسكر قبل سن الاربعين

Hope Hopee said...

كنت بدخل تخدير واحبه بس خوفني حيل كلامك

Hope Hopee said...

كنت بدخل تخدير واحبه بس خوفني حيل كلامك

Relics88 Relics88 said...

أنت لو فاهم معنى الدراسة ماعشت هالخوف ترى عندك حالة نفسية حاول تحلها من دون الاعتماد على ادوية طويلة الامد واقرأ سورة الشرح والناس والفلق قبل اللجوء للأدوية وافضل لك زنكس

Relics88 Relics88 said...


الزنكس في فترة اجازه فقط لان الزنكس بيعطي شجاعه وبيساعد على التغلب على التوتر والقلق ا ويفضل بالسور اللي كتبتها قبل وتبتعد يمكن الحسد لاعب فيك وخلاك تعيش هالتوتر ادا ماضبطت حالك ستجر الى الهلاك وتخسر وظيفتك وبتصير جنب النيل تشرب ارقيلة اكلمك بهالطريقة خوفي تخسر وتخلي الاعداء تبدأ شماته عليك لا تعطي فرصة وارحم روحك من هالعذاب

Relics88 Relics88 said...

اللي بيقول تناسلية ههههههههههه نفترض انو عملت عملية لمريض وعقرته ومايجيب اطفال يكون عذبته ففي الدنيا قبل الاخره نصيحة مني اي واحد بيدخل طب وبيفكر بهالطريقة حتى البيطريه مابتصلح له

Relics88 Relics88 said...

جربو الطب النووي

Relics88 Relics88 said...

حرااام حرااام حراااام تخصص ممتاز وتحمل تتراجع
مستعد افهمك

Anonymous said...

السلام عليكم يا د هانى بيه
يا دكتور عاوزه انبه كل الاطباء فى مصر ان دلوقتى بيحصل حاجه مهمه فى مستشفيات وزارة الصحة السعودية
ان لو طبيب فى تخصص نادر ..او يكون متميز ...ياخد باله ...ممكن يتعمل معاه الواجب عشان يقعد فى السعودية
وما يرجعش مصر تانى !!!!...ازاى ؟..مريض سعودى يشتكيه على اى حاجه هايفة ...ويصدر له قرار منع من السفر لحين البت فى الشكوى او القضية و....ثم ينتظر البت فى القضية .....ولكن اللجنه التى سوف تحقق معاه لا تجتمع ....فلازم يصبر ولا يجد امامه الا العودة الى العمل او تترجاهم عشان تشتغل عندهم بعد ما كنت عاوز تمشى اهم حاجه فى الموضوع ... ان لما تحب تمشى ...تمشى من سكات ...طب ليك مستحقات ...لازم تسيبهم ...عشان تمشى ...او تنزل تاشيرة ذهاب وعودة ولا ترجع ...لان عشان تاخد مستحقاتك لازم تقدم على انهاء عقد ...يعنى استقاله ...او طلب عدم تجديد ...وكلتا الحالتين ...هيدخلوك فى مشكلة ولن تستطيع الرجوع لانك تنتظر اللجنة اللى ها تحقق معاك ...وانت معاك الحق ...وفاكر ان الموضوع بسيط ...لكن اللجنة لن تجتمع يا حلو ...
ارجو اكون سلطت الضوء على المشكلة
لان فيه اطباء ...طيبين ...طيبين اوى ومحبوسين فى السعودية وما فيش اى جهه للدفاع عنهم
وهذا يجدث فى المناطق التى ليست متحضرة ..وبعيدة ..مثل الباحة ..وما شابه ..
اختكم الدكتورة سيده حمدى ...
المستشفى الجامعى بكلية طب بنها

;