أيها الزائر قبري .... أتل ماخط امامك

Sunday, June 04, 2006

حتى داري دخلتها الفتنة

وأتاني التاج هذه المرة من المدونة العزيزة أحلام
ربنا يستر ... فلم أدخل لجنة امتحان شفوي منذ فترة
افتح أقرب كتاب اليك , على الصفحة 18 , سطر 4
from a muiltitude of possible dangers during surgery . some of these dangers are unique to the operating room
عدم المؤاخذة .. دة كتاب تخدير
مد ذراعك اليسرى قدر ماتستطيع
دي مسألة ضمير بقة .. ع العموم أهو , دة اّخري
مااّخر ماشاهدته على التلفزيون
xxxالمشاهد الأخيرة من فيلم
يانهار أسود مش قصدي ... أقصد فيلم تريبل اكس .. مش عارف أي جزء .. علاقتي بالتلفزيون رديئة مؤخرا على كل حال .. أعتقد كان على قناة أفلام من بتوع الوصلة ... بس تريبل اكس والله مش حاجة تانية
بدون أن تسترق النظر , تكهن كم الساعة
01:50 pm
والاّن ..كم الساعة فعلا
02:31 pm
باستثناء صوت الكمبيوتر .. أي صوت تسمع؟
كلاكسات وصوت زغاريد بالشارع ... واضح انه عزاء
متى خرجت من المنزل للمرة الأخيرة ؟ ماذا كنت تفعل؟
امبارح بالليل ... موعد مع بعض من رفاق السوء الذين افتقدتهم مؤخرا (حفنة عيال لايتصلون الا كل اسبوعين) 0
قبل مباشرتك هذه الأسئلة أي موقع كنت تتصفح؟
والله هو الواحد بيصطبح بالمدونات في الأول ... عندما لاأجد رغبة في التدوين أو التعليق أو حتى القراءة ساعات انتقل الى موقع بص وطل أو موقع الأفلام لكني أفضل في الغالب جوجل للبحث عن أي بلوة مؤرقة
ماذا ترتدي الاّن؟
قميص أصفر مقلّم ... وبنطلون ترينج اسود (مالهومش أي علاقة ببعض .. أصلي في البيت)
0
هل حلمت ليلة أمس؟
أكيد بس مش فاكر الحلم ... اّخر حلم فاكره كنت عايز أجيب فيه فطير من السيبر !! لكن رجل السيبر عندما راّني أخفى (البونات) وقال أن الفطير خلص فخرجت من عنده حزينا ليطاردني رجل مجنون على دراجة وكانت كل منافذ الهرب مسدودة بشرائط زرقاء ... حلم مهبب وغريب لأني كنت فعلا عايز فطير
متى اّخر مرة ضحكت؟
من 5 ثواني لما افتكرت الحلم اللي فات
ماذا فوق جدران الغرفة حيث تجلس؟
كشاف نيون لزوم الطواريء ومراّة بخاف أبص فيها
هل لاحظت شيئا غريبا مؤخرا؟
اّه ... لاحظت أن الألفاظ النابية والعبارات الأبيحة التي أسمعها في الشارع تؤلمني جدا .. مع أني كثيرا أستخدم نفس الألفاظ من باب الهزار
مارأيك في هذا الاختبار؟
لذيذ ... لابأس به خالص
مااّخر فيلم شاهدته؟
v for vendetta
اذا أصبحت فاحش الثراء فماذا تشتري؟
أعين نص المبلغ في البنك (ماحدش ضامن الظروف) ... والنص التاني أجيب بيه احدث كمبيوتر واشتري عربية بسواق (احنا لسة هانسوق) و ام بي ثري بلاير ... ويمكن اتجنن واتجوز
أخبرني شيئا أجهله عنك
انا عصبي جدا .. بخاف الناس تشوفني في فورة غضب
اذا كان بامكانك تغيير شيء واحد في العالم بغض النظر عن المعاصي والسياسة فماذا تختار؟
لا معاصي ولا سياسة!!؟ ممكن أغير كارت الشاشة دة أسهل ... لا بجد .. نفسي أشيل خلية الغرور والعتزاز الزائد بالنفس عند الناس ... العالم يتقبل بعضه دون عقد وعصبيات ... شوية نضج مش أكتر
لو كان وليدك الأول فتاة فماذا تسميها؟
مريم أو منى (أي حاجة فيها ميم)
0
لو كان وليدك الأول صبيا فماذا تسميه؟
سراج ... بس يمكن الاسم مايعجبش المدام ... خليها هي تختار
هل تفكر يوما في العيش بالخارج؟
كتير والله ... بس الواحد عنده مرض اسمه
home sickness
ماذا تتصور أن يقول لك الله عندما تقف بين يديه ؟
خايف يقوللي اني ممن ضل سعيهم في الحياة الدنيا ... احتمال مخيف لكنه قائم ... ربنا يستر
أربعة أشخاص تمرر لهم الدور
ميندونا , اياكش تولع , ميشيل حنا , بعدك على بالي

21 comments:

Michel Hanna said...

إجاباتك رقيقة وجميلة.
شكرا جزيلا على الدعوة، بس أنا فعلا عملت التاج ده عندي :)

بعدك على بالى said...

ميشيل قال اللى كنت عاوزة اقوله..فعلا اجاباتك مليانه احساس وصدق... ودعوة مقبولة يازعيم.. علم وحينفذ ...

Anonymous said...

and a mere coincidence makes me find your blog..and fin your tag!!

Convincing answeres,,,realistic!

P.S. like your nickname >7affar el Qobor! I think you're digging into the graves in our souls..!

3la fekra el feteer fi el 7elm 7'eir :)))

Best of luck )))

Ahmed Shokeir said...

آه الفطير في الحلم يامعلم معناه إنك هاتتجوز مبروك بس ماأعتقدش فعلا إن المدام هاتوافق على سراج

عجبني أوي إحساسك بالوقت .. ده إنت ولا بيج بن

السهروردى said...

مساؤ جمال يا أسطى
:)
يا مزاجك العالى
:)
سؤال بره التاج
انت كنت شارب إيه قبل ما تجاوب ؟
:)

تمر حنه said...

أرجوك يا فهرنهايت فهمنى عشان انت راجل طيب : ليه بيطلبوا انك تمد دراعك الأيسر قبل الأسئلة؟ دى حاجة بدل و الله العظيم أقول الحق كده ولا الموضوع فيه هولوكوست و هاي هتلر - طب اللى معندوش دراع أيسر يعمل ايه؟ و بعدين ايه موضوع الوصلة دى؟
مش عارفة شوقير زعلان ليه من دقتك فى استنباط الزمن - أحيانا ناس بتفرق معاهم بالأربع ساعات (أحم أحم) دانتا حلو أوى
ثم انى كنت بتفرج عالفاشون تى فى و اكتشفت ان القميص المقلم الأصفر و منطلون الترنج الأسود هما الموضة الصيف ده يعنى ممكن تنزل النباتشية و انت لابسه ده حتى تبقى دخلتك عالمستشفى شرحه كده و عسسسسل

هشام علاء said...

اجاباتك لذيذة جدا وواقعية جدا
بس ايه رأيك فى
v for vendetta
فيلم مالوش حل
لو لتعرض فى اى بلد الشعب فيه مقهور زى بلدنا كان المفروض الناس تخرج مته تعمل ثورة
بس تقول ايه بقى فى الشعب المصرى
انا عن نفسى بعد الفيلم على طول جخدت العيال و كملنا الليلة
ع القهوة

Anonymous said...

ايه الجمال ده...ربنا انشاء الله حيقولك انت من اللى لم يخب سعيهم ابدا

ربنا يوفقك

هراءات منطقية said...

كالعادة دمك زى العسل يا باشا.....إنما هوة السيبر بقى بيبيع الفطير أرخص من الفرن و لا إيه؟

sonia said...

والهى ياأياكش كنت ليسا هسأله أيه حكايه السايبرات اللى بتبيع فطير دى؟.....علافكره شيك أوى الطقم الفظيع اللى انتا كنت لابسه دا سدأنى تمر حنه عندها حق أنتا لازم تشارك المرضى بتوعك البهججه اللى انتا بتعيشها جوه البيت وتروحلهم بالطقم دا..

mindonna said...

شكرا عالدعوة يا فهرنهايت :)

بس انا عملت التاج ده و عملت دعوة لميشيل كمان قبل كده
معلش حرقتلك اتنين مرة واحدة :))

ظريف الحلم اللي انت حلمت بيه:)

بعدك على بالى said...

انت فين ياابنى ؟؟؟؟ مختفى فين؟؟ مشغول ولا مكتئب ولا ايه بالضبط..؟

طمنا عليك

Anonymous said...

جديد اسم سراج ده :).. لا بجد جديد اوي اليومين دول فعلا..

الحلم بتاعك موتني من الضحك فعلا.. ربنا يكرمك ويهنيك بسراج ومنى ومريم ان شاء الله :)

abdallah ahmed , عبدالله احمد said...

قشطة عليك

ayman_elgendy said...

from a muiltitude of possible dangers during surgery . some of these dangers are unique to the operating room

اشطة يا دكتور....تخدير يبقي انت بكالريوس السنة دي؟؟صح؟؟ ربنا معاك

أجاباتك زي العسل.....تحياتي

:-)

شريف محمد said...

ميشيل
شكرا ... وعموما خيرها في غيرها

بعدك على بالي
شكرا على التلبية ... وصلك الرد .. بس أعتذر عن حكاية الايميل دي لأني كسول جدا في متابعته وخايف احبطك في عدم انتظامي على الرد

epitaph
سعيد جدا بزيارتك ... حفار القبور اسم له دلالة معينة كتبتها في بوست سابق ... وبالنسبة للفطير , فالمشكلة ان الحلم كان خالي من هذا الفطير ... بتاع السيبر الكداب قال أنه خلص ... وهوة عنده جوة
:)

شقير باشا
حلم عجيب ومخيف بصراحة ... الراجل بتاع العجلة جنني خصوصا بعد أن خرجت من السيبر كاسف البال
سراج اسم مابيعجبش حد في الزمن دة ... زي ماقلت هاسيب المدام تختار حتى لو هاتسميه بسلة .. أهو ابنها برضك


السهرودي
شكرا يازعيم
لأ ... أنا لاأقرب الحشيش وكافة أنواع المكيفات اثناء الكتابة .. فقط أحيانا أكتب وأنا دايخ بفعل قلة النوم أو بفعل الاكتئاب المزمن .. دوخة من أخذ قلما قويا فدارت به الأرض ... ساعات بكتب وأنا مذهول أيضا ..مش عارف ازاي دي بصراحة؟

تمر حنة
يمكن حكاية الذراع الأيسر تكون اشتغالة مقصودة لمجرد انها تخلينا نسأل هذا السؤال باستغراب ونحن على وشك الجنون .. أمد دراعي ؟! ليه ؟ واشمعنى الأيسر ؟ ... الموضوع له علاقة بالجن ياكابتن؟ ... وبعدين أديني مديته وكاد يتسبب في كسر الكباية الموضوعة على المكتب .. انما حصل خير
للأسف ماعادش ينفع أروح المستشفى بشيء غير البالطو .. في النظام الجديد وبسبب لجان المتابعة وتقييم أداء الأطباء صارت البالطوهات اللعينة المزررة باحكام هي عنوان الجدية في الأداء والسهولة في الحركة والرشاقة في التصميم والعبارة في الشكارة .. في النظام الجديد ... هناك نسب مؤية ومرور عشوائي مفاجيء وخصومات وتشطيب بالعبيط .. في النظام الجديد ...الدكاترة.. كل الدكاترة هاتتحاسب بالثانية

هشام
شرفتني
الفيلم جامد فعلا .. لكن حكومتنا الرشيدة تعلم أن الفن والأدب لايقيم الثورات .. فنحن شعب طيب يستانس بالخضرة بجوار النيل العظيم وأشعة الشمس المنعكسة على صفحة الماء (بغض النظر عن كون المياه ملوثة والسحابة سوداء والمؤخرة حمراء) .. عندما تكون في لجنة ويجيء الامتحان ظالما مفتريا بكل المقاييس الكل ينتظر أول الصارخين ليقوم في ركاب الجماعة الهاتفة .. يسقط الدكتور الغاشم ... ومادمنا جميعا ننتظر ... فسنظل جميعا نحل الامتحان في صمت معتمدين على رحمة المصحح .. وسنظل جميعا نتفرج على الحياة .. من القهوة
شكرا على مرورك

سلمى
متشكر لك

اياكش تولع
الله يخليك ياحبيب قلبي
ياريته كان باع ان شاء الله بالغالي .. هوة ليه شال البونات من قدامي هذا الفطاطري المعفن؟ ... وديني لأشوف سيبر غيره
:)

سونيا
حمد الله ع السلامة
دة مش طقم على فكرة .. دي هدوم عشوائية غير متوافقة لمجرد اني قاعد في البيت ...أما الفطير فلازال البحث عنه مستمرا
تحياتي ... وماتنسيناش

ميندونا
متشكر جدا
ولايهمك ... بس المرة الجاية ... لاأعذار ..أنا باأقولك أهو
:))

بعدك على بالي
أنا اّسف ... انشغالات واكتئاب بفعل الانشغالات.. لايوجد شيء ثالث يبعدني عنكم

محمد حبيب
شكرا على ذوقك ... ربنا يهنيني بأمهم الأول ياسيدي ... وبعد كدة ان شاء الله تجيب جعيدي مش هاقول لأ

عبد الله أحمد الرسام الكبير
شكرا ياريس ... وياريت البلوج بتاعك مايبقاش مقتصر على الصور بس ... ياريتك تشركنا معاك في ماهو أكثر

أيمن الجندي
شرفتني ياباشا
بصراحة أنا مخلّص وفي التكليف مما يقرب من عام ... وأنا أحب تخصص التخدير ... بانتظار نيابته حاليا ان شاء الله
سعيد بزيارتك

شغف
الحرف دة عزيز علي لأن أول فتاة أحببتها (الحب الصامت الخائب اللي من طرف واحد ) كانت اسمها يبدأ بحرف الميم
وسبحان الله أي فتاة أنجذب لها ... لابد أن يبدأ اسمها بهذا الحرف
ربما لهذا أحببت الحرف نفسه وصار بهذه الأهمية

MAKSOFA said...

هو انا كل ما دخل الاقي حكاية مد دراعك دي
هو فية اية ياخونا جري اية للمدونات جت لها شوطة مد ذراعك
وأخر فيلم شفتة وحا تسمي ابنك اية
وحتحلق شعرك امتي
وحا تاكل اية النهاردة
طيب اللي يعنكم الموضوع باين علية صعب

بس علي فكرة رغم أسمك اللي بيجيب لي أكتئاب الا ان مدونتك تستاهل يا ( اللهم أحفظنا ) حفار القبور

Polka Dotted said...

feteer fil cyber?!!!
nas tayebeen awee:D

Adel said...

هييييييه دنيا ما دايم الا وجه الله هو في ايه يا دكترة انت كل البلوج بتاعك كده توهان في توهان يا عم انت لما هاتجيب فطير من السيبر امال هاتشيت فين عند الحاتي وبعدين مين اللي قال ان الدكاترة عليهم مرور تعالى معهد القلب واتفرج على الهدوم اللي على كل شكل ولون ولا الالوان بينتون من اللي تشرح القلب على راي تمورة (تمر حنا هانم ) والله العظيم انا مستعجب تلاقي الدكتور واقف في الاستقبال زيه زي اللي جاي مع المريض تحس انه شد اول حاجة قابلته على الشماعه وشمطها ونزل النوبتجية جري ولا في غرفة القسطرة اقسم لك بالله العلي العظيم كانوا الاخوة الاطباء بيدخنوا السجاير عيانا بينا امام مرضى القلب اللي المفروض انهم بيقولوا لهم ما تدخنوش بس للحق كانوا وطنين كانوا بيدخنوا سجاير مصري انا مش عارف انت في مستشفى فين بنكن وانا قاصد ينكن دي انها تكون مستشفى استسناري ؟ واه يا ناري انت عسل وعملت لي دماغ عسلين وبجد اتمنى اني اكون صاحبك ومسيري هاقع تحت ايدك قريب انا عامل 5 قساطر بس واهو مستنين فرج الله علشان نعمل القلب المفتوح زي اليوم المفتوح كده واهي فرصتك تبقى تيجي وتعملي تاج وانا في العمليات واسمع بقى احلى ردود تحياتي يا دكترة وطولت عليك معلش

Anonymous said...

al tadhya be nafsak mosh hall!!!
eyaaak tethebel we tegawezzz!!
wa ehdaar banyadmeeen lel 3alam da!!
gareema akhlakeyaaa!!!

Anonymous said...

Wonderful and informative web site. I used information from that site its great. » »

;