أيها الزائر قبري .... أتل ماخط امامك

Thursday, October 12, 2006

حكايات من مستشفى أبو جهل التعليمي 3

الحلقة الثالثة
جعلوني نائبا
فقرة اعلانية .... احصل على المجموعة الكاملة للمسلسل ... حاليا على أقراص دي في دي .. الحلقات 1 و 2
سئل ابو جهل يوما عن أشد الاسئلة احراجا للطبيب الورور الأمور في مقتبل حياته الوظيفية ...فقال هو سؤاله عن مهنته , لأنه عندما يجيب في خفوت يمزقه سعال الارتباك قائلا دكتور ... يكون السؤال الحتمي القادم هو ... دكتور في ايه؟
انه التخصص ياعزيزي اّرثر ... 0
يحلم الطبيب الخريج (بعد نهاية مرحلة الاحلام الوردية بنيابة في مستشفيات الجامعة ) بنيابة والسلام تحمل هويته الجديدة بعيدا عن تلطيش السادة المفتشين في الأرياف بالوحدات الصحية ... وتمر عليه شهور وأعوام وهو لايزال في مرحلة الممارس العام التي سنصطلح على تسميتها هنا بمرحلة ( حمامة بتاع مصلحة التليفونات) ... لأنه كثير النقمة والزوغان , متلهفا على اعلانات النيابات والزمالة والتعيين لهفة العوانس الكسيحات على العدل , لذا تجده دائم التنطيط داخل أروقة الوزارة بين مكاتب السادة الغير مسئولين , دائم التوتر , تميزه بشنطته السمراء الكئيبة المعلقة على كتفه وذقنه النصف نامية ونظرة الشباب المعقدين نفسيا الحالمين بيوتوبيا لاتجيء ... ويزداد القرف والنقمة وتضمحل علاقته بالطب المحترم المذكور في الكتب أو الوارد في مسلسل اي . ار الشهير ... وبين يوم وليلة تضع عليه وزارة الصحة لاصقا ابيض كتب عليه اسم التخصص الذي سيقضي صاحبنا عمره في سبر اغواره وتعلم فنونه وفك مغالقه ورش دواخله ان أمكن ... كما قلنا سابقا .. تلك هي النيابة يااّرثر ( سنلاحظ أن اّرثر هو المشاهد الوحيد لتلك الحلقة على مايبدو) 0
عندما يتسلم حمامة بتاع مصلحة التليفونات نيابته العزيزة
وقد تكون غير عزيزة اطلاقا ... فقد يلبس نيابة في تخصص لايطيقه , أو مكان لايبغاه ... مش طايقاه يابابا ... لكن بابا الحمش لايرحم الفرافير ... وهنا لايجد حمامة بدا سوى التسليم بالواقع واستلام النيابة عن يد وهم صاغرون ... ويكون ذلك من أول و أهم التنازلات التي يقدمها في حياته العملية والتي ستتلوها تنازلات اخرى مخيفة في المستقبل ... وتصبح تلك أول قطعة ملابس يخلعها مترددا قبل أن يعتاد الاستربتيز الحياتي المعتاد
تجيء ثاني التنازلات عندما يستقبله مدير مقر عمله الجديد بابتسامة طامعة لاشك فيها ونظرة شبق مخيفة في عينيه عندما يجد رقما جديدا يضاف لعمالة المستشفى يمكنه الاضلاع باستقبال الحوادث في المخروبة التي تعاني عجزا رهيبا في أطباء الاستقبال كثيري التزويغ ... وتجده يقبل تلك النوبتجيات في خنوع عجيب ... لاحظ أن مهمة الاستقبال هي عينها مهمته الاثيرة العتيقة في طب الارياف ( وكل تخصص وانت طيب) بعيدا عن أن طب الطواريء يفترض ( أقول يفترض ) أن يكون أمرا محترما كما هو الحال في العالم المتحضر .... ورغم ذلك سيتحمل حمامة في صمت نوبتجيات الاستقبال الباردة مقابل أن يرى ولو للحظة الاخصائي الكبير المهم الذي سيعلمه أصول الصنعة التي استلم نيابته من أجلها
حكاية الطبيب الرابض والاخصائي المختفي
والاخصائي عزيزي اّرثر هو ذلك الرجل الغامض الحاصل على درجة الماجستير في تخصصه بعد أن أدى فترة نيابته وقام بتسجيل الدراسات العليا ... انه الرجل المهم الذي يأتي (أو لايأتي) اياما معلومة في الاسبوع .. وتتقدم به الأيام حتى يرد الى أرذل العمر ليكون استشاريا نعسانا عظيم الكرش ... 0
يكتشف النائب الغلبان أن مرحلة التعليم قد انتهت منذ زمن , وان سبيلك الوحيد للتقدم المهني على مسئوليتك الشخصية ... تعلم العلم واقرأ ... وعندما يحين موعد التسجيل ترتد مرة اخرى الى طور الشرنقة للالمام بالمحتوى الأكادمي لتخصصك ... دون احتكاك عملي حقيقي بالمرضى تحت اشراف الخبير ... ودون كلمة نافعة من الاخصائي الخطير (والذي مر بنفس اطوار التحول ونال شهادته العليا دون توظيف حقيقي لها , ودون تطبيق مفيد للمرضى.. انها فقط تلك اللوحة المهمة التي تزين عيادته الخاصة ) .... ويكتشف النائب أنه يتعلم بأسوأ طريقة ممكنة عندما يرتبط الأمر بصحة الانسان .. طريقة .... 0
trial and error
ويتمزق البائس بين لوم الضمير , ورغبته الحقيقة في التعلم , والكبرياء التي تتعاظم لتبرر أخطاءه الفادحة امام الجميع (وهو تقريبا الأمر الوحيد الذي يتعلمه من الاخصائي المتعجرف الجريء) فالطبيب منزه ولايمكن أن يخطيء , خاصة امام أهالي المرضى المتربصين , وهذا هو الدرع الوحيد الذي يحميك من شكهم , ومطاويهم , وسبابهم الحانق الرنان ... وتجد نفسك قد احترفت الجرأة واللسان الطويل ... وعندما يتساءل الجميع حولك عن انحدار مستوى الصحة , وعن حريق المسارح , وعن العبارات الغارقة , وعن القطارات الشاردة , وعن الانة في الفودافون .. تنسى أن الأمور تتدهور عندما نتوقف عن ملاحظتها , وتتوقف عن الملاحظة عندما تصدق المبررات التي اعتدت تلاوتها على الاخرين ... مسألة اقتناع داخلي ليس الا ... الا ترى؟!!! .. انك تتحول بنجاح الى الاخصائي المختفي الذي يبحث عنه الجميع
لكن لاتبك يااّرثر فلايزال هناك دوما ابوابا خلفية للهروب
الزائر ... والعدوى ... وفرعون الذي طغى
ولكي ينقذ حمامة مايمكن انقاذه , يسعى خلال فترة تسجيله للدراسات العليا الى الحصول على فترة كطبيب زائر بمستشفيات الجامعة ( أي يحصل على نيابة بالجامعة يدفع من أجلها وطبعا دون الحصول على راتب ) ... فالجامعة هي المكان الوحيد الذي يتعلم فيه النواب بالجزمة ... دعك من مزايا النائب الزائر المحتك بالاساتذة المشرفين على امتحاناته ورسالته , فيصير وجهه مألوفا لديهم ... سيحصل حمامة بالمال على فرصته الكاملة في التعلم ونيل الشهادة الكبيرة التي طالما دعت له والدته الحاجّة لنيلها
يحتك حمامة داخل أروقة الجامعة بالنائب الكبير (أو النائب السنيور بلغة الدكاترة) ... ويصبح حمامة هنا نائبا جنيور (بنفس اللغة البائسة) ... أي مرمطون القسم المنحني للجميع ... كله يهون في سبيل الشهادة الكبيرة... مباشرة العيادة الخارجية, تسجيل دخول الحالات , مرور على الأقسام , تعنيف متوسط اللهجة من السنيور ,كتابة التذاكر , مناكفة الممرضات اللبط , ثم نصف ساعة فسحة يقضيها في الحمام للتدخين والعياط , مرور مرة اخرى لأن زيادة الخير خيرين , صراع مع زملائه الجنيور الاخرين على الحالات (وغالبا يخسر هذا الصراع لأنه ليس ابن المكان .. انما هو زائر معفن) , حوار مع دكاترة الامتياز المتطلعين له بانبهار ممتع مؤقت ينسفه النائب السنيور بكلمة غليظة مؤنبة يضحك لها حمامة بعصبية مداريا احراجه المبلل بالعرق , مرور مرة ثالثة لأن زيادة الخير بلا حدود,و...,و... 0
وهنا .. يدخل رئيس القسم الاسطوري ويقتحم الكادر ... يتجمد الزمن مؤقتا وتظهر حروف يابانية أسفل الشاشة كمشهد ظهور الوحش في مسلسل جرندايزر ... ثم تعود الحركة ببطء للرجل المهم المتهادي باستهتار والذي لايرى النواب الأبرياء .. مع أن النواب أحباب الله ... لكنه في القسم , الرجل الأعلى صوتا والأطول لسانا , انه يستمتع باهانة الجميع واحراجهم ... يجلس بمكتبه المكيف ويريح كتلته الهائلة على الكرسي المنتفخ العظيم ويشخط في نائب دخل خلفه يبغي الحصول على اجازة ... ثم يغلق عينيه كأنما يرتاح من رحلة كفاح طويلة .... يتخيل ماضيه الملون بالأبيض والاسود (كناية عن الفلاش باك ) منذ كان طالبا بالكلية يسكن احراش البلاد ويرتدي الملابس الرخيصة التي لاتتغير , يسير كفتاة مراهقة خجول ناظرا للأرض تفاديا للاحراج ... اصوات زملائه ولاد الناس المرتاحين , كلكسات سياراتهم الروشة , ضحكات زميلاته الفاتنات كثيرات الماكياج والعطر تصم اذنيه , يستشعر الضحكات الساخرة موجهة اليه , ويشعر ببرودة عجيبة تجتاحه وألم غامض في كتفه كلما امتلأت نفسه حزنا وأحس بالرثاء لنفسه ... كان يعيش دور الشاب المكافح المنطوي حتى النخاح ... دائم الحضور .. مرهق العينين ... حامل الملخصات والمحاضرات ... تقدمه العلمي ملحوظ ... لكن نقطة سوداء بدأت تنمو على استحياء في قلبه وتتضخم تدريجيا وهو يستشعر المهانة يوميا في نظرات الزملاء ... وعندما تخرج وفاز بوظيفة في الجامعة ... كان قد خرج بعقدة نفسية متوقعة صقلها تعامله مع اساتذته الكبار
المياه اللي مش ولابد .. التي تحدث عنها المرحوم السادات
تعلّم أن نظام الأستاذية والقيادة شبيه بسكان في عمارة واحدة .. يلقي الطابق الأخير بقمامته على الساكن الذي يليه , الذي يقذف قمامته بدوره على التالي له ...وتكون القمامة العظمى من نصيب المقيم بالدور الأرضي الذي يليقها بغل في وجه البواب ... انهم يجيدون تفريغ احقادهم القذرة لمرؤسيهم الذين يعيدون الكرة عندما تسنح لهم الفرصة ... دورة حياة كاملة مستمرة ... سلسة غير قابلة للكسر .... عدوى لاترحم أحدا ... وعندما يعتلي هؤلاء كراسي المناصب الوثيرة .. تتبخر ذكريات المعاناة , ولايتبقى سوى حوصلة سوداء كامنة بالقلب يستمتع باعتصارها في مقره المكيف
لاتحاول تحذير حمامة يااّرثر ... ان حمامة يعرف مكان الفيروس الكامن في تلك النفوس... وينتظر الاصابة به كالقدر ... كالمسيخ الدجال الذي سيظهر بلا شك قبل نهاية العالم , ورغم كل شيء ... ربما يشكل هذا وضعا افضل له من مستشفى أبو جهل التعليمي التي يعمل بها
ان حمامة لم يتغير بعد ... لكن المؤكد انه صار يكره مصلحة التليفونات
نعتذر عن التتر ... والفقرات الاعلانية ... والاذاعات الخارجية ... ونقطع الارسال مؤقتا لحين خروج ارثر من المصحة

40 comments:

Anonymous said...

كدا يبقى عندنا نظريتين
trail and error
و
القمامة والعمارة

اوضحلك بس ان دا مش ميكانزم الاطباء فقط ..بل جميع العاملين فى القطاع الطبى .
حمامة يمثل جميع مرتدى البلاطى البيضاء يا فندم.

أحسنت
صيدلانية ,,

كراكيب نـهـى مـحمود said...

مساء الخيرررررررررررررر
هو فيه ايه
بجد الحاجات دي بتحصل
امال فين محمود يس وهوه دكتور في افلام السبعينات والبنات بتموت فيه والحاجات دي
لا لالا
لو سمحت ورقه وقلم ومن اول السطر
اكتب لقطة مبهجة
من بتوع
وانا ماشي في المستشفي الخاص بتاعي وبعد ما عملت عمليه شفط لممثل مشهور تختخ شوية اليومين اللي فاتوا
كمل انت بقى
هو انتم لازم الواحد يعمل لكم كل حاجة
عايزة اهنيك على مجونتك الجميله
والبوست اللي وقعني على الارض من الضحك ده
اه الله

ماشى الطريق said...

إنت مرعب بجد يا دكتور
مقدرش أقولك انا بستمتع أد أيه وانا بقرالك
وبالنسبة لطريقة
trail and error
هو انا فى الأول كنت بستغرب بكمية الثقة الفظيعة اللى الناس بتفترضها فيا فى أدائى لمهمةما هما عارفين إنى أول مرة أعملها
بس بعد كده قشطة بقيت ماشى بمبدأ أبو أمهم
زى ما تيجى تيجى

admelmasry said...

حمدلله ع السلامة يادكتور

ومبروك النيابة

الا بصحيح ؟

انتي خدتها في ايه ؟

اكمن انا عندي شعرة

ساعة تروح وساعة تيجي


تعرفشي لها دوا دي يا كتور ؟


واوعي تغيب

احنا مفتقدينك

... said...

تعرف يا دكتور ان اللى بتقوله دة مش بس فى الطب
بقالى سبع سنين بشتغل فى كاريير الهندسة يا فندم وباعانى من نفس العفونة
نفس طريقة
trial & error
بس أرحم شوية لأن مفيش اهل مريض ممكن يبهدلونى
المريض الوحيد فى الحالة دى هو انا
واللى بيبهدلنى كل اللى واقفين على درجات السلم الوظيفى الاعلى
ودة مش لكونهم اكفأ لكن لمجرد كونهم اقدم

موظف

تفرق ايه بأة لو كنت اخدت دبلون واتجوزت بدرى بدرى ورحمت نفسى من النظارة
الا صحيح تعرف ايه عن عمليات الليزك
ادوس يعنى وللا خلينى فى الكونتاكت لنسز

:)
فرفش شوية يا عزيزى آرثر
جيوش خمسة عشر كلية طب بتسميها
قلائل
بكرة تكبر
وترمى كتلتك انت كمان على الكرسى المنتفخ وتفتكر مدونتك دى
ويجيلك مريض فى عيادتك تستخسر ترد عليه وتبعته للنائب المرمى فى الحجرة الجانبية علشان يرد بدالك
تعرف
غير مسارك وذاكر دبلون تشجارة
واشتغل سكرتير
لعلمك هما اللى واكلينها والعة

shady said...

عزيزى التجريب خير وسيلة للتعلم
وأعتبرنا فئرانك الصغيرة
ونحن وانت تحت انياب القطط من زمان

Anonymous said...

يا خوفي يا بندق لتكون انت النايب الجنيور الزاير
بللا علقة تفوت ولا حد يموت وعقبال ما تبقى استشاري
بس انت مخصوص اوعى تتكاسل عن مذاكرة ال Frca
الفرسا !!
هتخليك تعلى كتير حتى عن بتوع الجامعة
ويجعله عامر

المواطن المصري العبيط said...

بوست جميل ومثير، افتقدنا هذا الأسلوب المميز وهذا العرض الشيق للأحداث لفترة طويلة كنت فيها مشغول عنا يا سيدي .. على العموم عود محمود يا دكتور وكل سنة وانت طيب علشان العيد يعني .. وابقى اسأل علينا شوية كده برضه

M.Shalan said...

عارف الواحد و هو بيقرا المواضيع بتاعتك بيحس انه مش لوحده انا على فكرة انا في بداية سنة ساته طب الواحد بيحس بالاستغراب من اللي بيشوفه في المجال ده بتصيبه الحيرة كتير قوي مش عارف هو كده صح و لا غلط انا بعتبر ان مجال الطب في مصر مسخرة او خرة بالاصح يا ترى احنا ربنا هيحاسبنا على اللي بيحصل ده ؟!
طيب هو الذنب ذنبنا و لا ذنب اللي خلونا كده ؟!
انا رحت من فترة مستشفى حكومي كنت قاعد مع اصحابي من دكاترة الاستقبال او بالاصح برده دكاترة الاستهبال حرام والله اللي بيحصل ده و حرام اللي بيعملوه بس الذنب ذنب مين كام واحد مات من الاهمال و العبط ؟!
احنا ماشيين في نفق غويط اخر نار و كله نازل و بسرعة كمان ...

Gid-Do - جدو said...

ايها الزميل

انت فتحت جرح قديم وحطيط فية ملح كمان ـ ويؤسفنى اشد الاسف ان ارى امامى ـ بفضل وصفك الذى يبهر وقدرتك الادبية الراقية ـ شريط فيديو لكل الاسباب التى طفشنتى من مصر ـ خمسة وتلاتين سنة مرت ـ ووصفك بيقول ان كل السنين دية مغيرتش شئ اطلاقا ـ اسفى وحزنى على الفيلم اللى عرضة مستمر ـ تحياتى لشخصك الكريم

يا مصر اكتب إليكي رسائلي said...

يشرفني ان اتقدم بخالص التهاني وأطيب التمنيات القلبية بمناسبة عيد الفطر المبارك اعادة الله علينا وعليكم وعلى مصرنا الحبيبة بكل خير .. مع خالص تحياتي وكل عام وانتم والأسرة الكريمة في أسعد حال

Anonymous said...

welcome back first,your talented in writing i must confess,take my advice and watch grey's anatomy series

Anonymous said...

يخرب عقلك
يخرب عقلك
يخرب عقلك
روعه يا حانوتي روعه

بعدك على بالى said...

كنت فيما مضى أسمع ولا اتشكك حول صحة ماذكرت، ولكن شاءت الظروف أن أتلامس واقعيا وعن قرب بمهزلة الطب فى مصر، عاوزة اقولك انه مش بس على مستوى المراحل الاولى النيابة والامتياز او..، المهزلة انه على مستوى الكبار كمان، اسماء لامعه ادخلتنى فى متاهة لدرجة فشلت اخد قرار مصيرى وضروى، تخيل مفيش 2 اجتمعوا على نفس التشخيص، وكإن المنزار او السونار ليس الا لوحة تشكيلية الكل بيفسرها حسب ميوله واحساسه الخاص ولس وفقا لحقائق علمية لاتقبل الجدل او الشك...

آه ياعزيزى قلبت المواجع والا لام

no one said...

i know you hate it when i write in English. but i`m a slow writer in arabic you know that . i will finally comment on all your amazing blogs and i really mean it. what kills me is that you really can touch that part inside my heart that i don`t show to any one and i wish i was able to do that but it`s only you who can do it . wish you more and more progress .i`ve become an addict to your blog . thanks for introducing me to the blogers world.

Anonymous said...

ولا يهمك ما احنا بلديات برضه

Anonymous said...

This is the best blog that tackles the crisis of post-grad medical education in Egypt. Keep up your posting...

I'm in 6th year now (studying for exams), and I've heard this tragedy -you so accurately described in your posts- from many other doctor friends I know. Which is why I plan to make use of the useless Imtiaz year and study for the USMLEs, and look forward to a surgical residency in the US 3ashan at3allem tibb mazboot.

In this country, you either crumble in despair, cry on your fate, or you telga2 lil 7aram aww el-wasta fi koll 7aga... min awwil daragatak fil kolleyya la7ad neyaba fil gam3a... and when you be a doctor, you'll treat diseases that aren't your speciality (because there are no patients), you'll curse other doctors, and you'll treat ppl wrong (because nobody taught you medicine till now)... 2e7na mostad3afeen fi baladna. And the last thing I want to be is 7aramy nassab. We all have HUGE potential, and if we make use of this potential elsewhere, el-fayda beta3omm 3al nas kollaha. We lemma masry beyenga7 barra, el-masreyyeen yerfa3ooh foo2 ras-hom. Ya far7itna bi nafsina we7na 2a3deen fil balad bass fashleen, wil balad mafehaash shoghl... wala feeha nizam... we mish 7iml 3awatleyya kaman we kaman. We mish bitrabby gheir el-wasayet wil nasb. Elly 3ayez yefeed balado 7a2ee2y yet3allem tibb mazboot we yerfa3 ism masr barra, we law rege3, ye3raf yesalla7 fil balad bi som3ito elly kawwinha barra. We potential. It is the last thing we have left.

إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيرًا

"...They will say: We were oppressed in the land. (The angels) will say: Was not Allah's earth spacious that ye could have migrated therein? As for such, their habitation will be hell, an evil journey's end."
The Qur'an 4-97

Anonymous said...

يا اخ تار كلام حضرتك تمام
بس ليا تعليق على استشهاد حضرتك بالاية على انها في الهجرة لطلب العلم او الرزق بينما
الصحيح انها في الهجرة من بلاد الكفر الى بلاد الاسلام كما ورد في تفسير ابن كثير
(((فنزلت هذه الاَية الكريمة عامة في كل من أقام بين ظهراني المشركين, وهو قادر على الهجرة وليس متمكناً من إقامة الدين فهو ظالم لنفسه مرتكب حراماً بالإجماع, وبنص هذه الاَية, حيث يقول تعالى: {إن الذين توفاهم الملائكة ظالمي أنفسهم} أي بترك الهجرة {قالوا فيم كنتم} أي لم مكثتم ها هنا وتركتم الهجرة {قالوا كنا مستضعفين في الأرض} أي لا نقدر على الخروج من البلد, ولا الذهاب في الأرض {قالوا ألم تكن أرض الله واسعة} الاَية)))

ولكن السفر لطلب العلم اللي حضرتك تقصده مسألة أخرى

وليعذرني صاحب المدونة على التدخل

Anonymous said...

Ahmed, you're right about the tafseer being about al-higra min bilad el-kofr li bilad al-islam.

Tell me, howwa fein el-islam hena?

Where is Islam in job inadequecy, in getting fullmarks with a phone call? In not being able to learn right?

This system we have here, forces a normal muslim to deviate from his principles. It forces him not to be a good doctor, to clench to each patient he has even though he isn't specialized in his disease. It forces him to cover up for his mistakes. It forces him not to do his job right, because he was never trained to do that. He is encouraged to take wasaayet as a students, and be negligant as a doctor. He is encouraged 3ala el- 7aram.

On the other hand, you are much more free to be a MUCH better muslim doctor abroad. You are encouraged to keep your job ethics and principles. You are encouraged to earn your money, and earn the experience through hard work.

So according to Ibn Katheer's tafseer, can you tell me, where is bilad el-kofr and where is bilad el-islam?

There's a convert who once said, "I saw Islam, but outside muslim lands."

According to this aya, and it's tafseer, a believer is asked to remove himself from a country which encourages 7aram, to a country that encourages 7alal. And accordingly, it fits well with the situation we got here...

Anonymous said...

أخ تار كلام حضرتك أفحمني الصراحة
اهو أنا من اللي انت بتقول عنهم انهم في ال Useless emtiaz year!!
كل اللي بنعمله لو رحنا مشاوير مالهاش ولزمة ولا فيها تعلم والخل التاني اننا نزوغ وبرضه مش هنتعلم
خد اسمع الحته دي يمكن تعجبك
http://www.geocities.com/Tokyo/Palace/3895/mids/moonlitsonata.mid

Anonymous said...

Maho mesh momken elekt2ab wel depression elly 3andoko daa ..

Felt so bad after ur words even if they represent our fact ..
to feel good about what u've done and what u r gonna do is a great thing .. whatever the facts are and whatever the future will be .. am not saying we'll ignore it .. but 2 deal with it in a proper way will be better ..

Bad education and bad system .. whatever! .. a lot passed through this successfully and finally got thier high positions .. not an impossible thing 2 get over .. if we're gonna look 4 other's facilities and possibilities and then ned3y 3la baladna belly feeha .. 3omrena ma hane3mel 7aga mofeeda f 7ayatna ..

u r living in this life 4 a specific aim .. u'll achieve it or u'll fail to .. don't ever let the 2nd choice masters u .. enjoy learning .. enjoy working .. enjoy ur life .. :)

kol sana wento tayeben .. :)

شريف محمد said...

شكرا جزيلا لجميع الاخوة الذين اهتموا بالموضوع ... ومانجيلكومش في حاجة وحشة
وكل عام وانتم بخير (متأخرة جدا)

كالعادة ... غالب الردود الخاصة بهذا الموضوع المنيل تتحدث عن السفر للخارج ... اخرج من الجحيم , وغادر البناية المنهارة قبل فوات الأوان ... نفس نوعية الردود على الحلقة السابقة (كلفني ع الفودافون)
الهجرة للخارج على مايبدو هي أكثر الحلول نجاحا للعاملين بجميع المجالات بعيدا عن الاحباط .. والوساخة والبهدلة وقلة القيمة

وكما قلت سابقا ... السفر حل فردي لا يلام صاحبه عليه ... فبم نتمسك بالضبط عندما نتغنى بمصر والوطنية والعطاء الشعبي الأبدي من أولاد البلد الجدعان ؟ الى اخره من افتكاسات الاعلام المحلي الرديء

لكني حاولت على مدار 3 حلقات تسجيل مراحل تطور الطبيب المصري لنعرف ان فضائح ورداءة اليوم ماهي الا التطور الطبيعي للحاجة الساقعة
فاذا استمر الحال ... كيف ستكون تلك البلاد بعد سنوات اخرى ( سواء كنا داخلها أو وقفنا باسمين على جزر امنة نلوح للقارب المشتعل في تشف ) ؟

بامكانك ان تعتبر ان السؤال الحقيقي للحلقات ليس ( اين طوق النجاة؟) ... بقدر ماهو (كيف غرقت الفلوكة ياريس جابر؟)

وكل سنة وانتم جميعا بخير تاني ... جوة المركب أو خارجها

حائر في دنيا الله said...

كل سنة وانتا طيب يا ألذ دكتور في ج م ع والشرق الأوسط وبلاد الواق واق

kalam said...

كتاباتك مع اللون الاسود مع لحن المقبره

مش دي الثلاثيه السوداء بتاعه مرض القلب ؟؟؟؟

Veeeva said...

زي ما بيقولوا: مشكلة مصر انها مليانة مصريين

admelmasry said...

مالكش حل

اقول ايه بس ؟


مش عارف اقول ايه .... اتاريك بتغيب علي ما بتكتب يا دكتور

أُكتب بالرصاص said...

ايه يا دكتور

انت بتغيب كده ليه ؟؟

والله لك وحشة

وكتاباتك جدا حلوة


شوف الناس متلمين حوليك إزاي,,,
فبلاش تثقل

وكمان أدي كل واحد ضيافته
افتح يابني خمستاشر علبة جلوكوز هنا
:)

Anonymous said...

انت رائع والله العظيم

المواطن المصري العبيط said...

انت فين يا دكتور ؟ بتغيب غيبة طويلة ولا عزاء لنا إلا بتدوينة قوية تنسينا فترة الغياب

no one said...

انت فيين يا عم كل الناس هنا بتدور عليك ومستنيين الجديد بتاعك
ما تتأخر علينا بقى

Anonymous said...

على فكره بقى انت من ساعةالبوست "و هكذا سقطت لويز " و انت شاكلك داخل على عيا ...ربنا يستر عليك كده وابقى ادفى كويس قبل ما تنام لحسن كفايه ياكشى تولع ندهته النداهه مبيردش حتى ال ايميلات

Anonymous said...

البلد دى رايحة فى ستين الف داهية و للاسف لاانا ولا غيرى قادرين نعمللها حاجة أنا حاولت اخرج من الدايرة الوسخة فى الشغل فى الصحة بس البرايفت اوسخ واوسخ.ملهاش حل غير انها تولع و نبتدى عل نضافة بقى

justice lover said...

الجانب الوحيد المضىء فى أسطورة ابو جهل هو كلامك عن قصة السفينة التى يهرب منها الركاب تاركون اياها للغرق بمن فيها ....

أصل احنا لو فكرنا فى حل هنموت بالكآبة دي ... يبقى نسيبها للى يقدر يستحملها .. خدلك دبلومة و اطلع الخليج و لو على اثنين و نص على الاقل هاتتعامل هناك كحيوان نظيف مش زي هنا .....

Anonymous said...

صقلت إحساسي بالمستقبل الأسود الذي ينتظرني بدءًا من وطوء قدمي أرض المستشفيات من العام القادم إن شاء الله !
سرّني أن طبيبًا يكتب بهذا الجمال بعد أن كنت بدأت أفقد الأمل.. فتحياتي لك..

جيرالدين

Anonymous said...

مسلسل الانتحار في المستشفى العام بالاسماعيلية

صغار اطباء التكليف و الامتياز انقذوا المريض العجوز الذى تمكن من إلقاء نفسه من الشباك و اجروا الاشعات و الفحوصات و العروض اللازمة فى حين ان الطبيب النوباتجي ( د/ ناصر نصحى) غير متواجد بالعتاية المركزة او بالمستشفي و حضر بعد الحادث بساعة. وذلك حسب الشهود من اقارب المريض و الممرضات والا طباء. الاحد الموافق 26 نوفمبر 2006

احدث المفاجآت هي ان احد الأطباء الاخصائيين الباطنيين ( د/ ناصر نصحى) فى المستشفي الاسماعيلية العام لم يباشر المريض / محمود محمد صباح يوم الاحد و المصاب بعدة امراض داخل العناية المركزة و ترك الامر للاطباء الامتياز و التكليف واكتفى بمرور روتينى في خمس دقائق و ترك النوباتجية حيث انه بالعناية والعيادة في نفس الوقت صباحا و مش فاضى للمرضى الغلابة.

( لاحظ انه سبق الاهمال من نفس الطبيب اخصائى الباطنة ومعه اخصائى اخر يدعى ابراهيم موريس -اخصائى الباطنة- في اخراج مريض قلب اسمه عم حسن ..من العناية المركزة للشارع مباشرة و تو فى خلال ساعات لان الدكتور لا يعرف الفرق بين الحالات الحرجة و غير الحرجة للقلب و ذلك بلسان حاله حيث قال ان الادارة تحتم خروج المريض من العناية للشارع مباشرة وذلك في جريدة صوت الامة سنة 2005)
هذا و لان المريض ضرير وفقا لكلام اهل المرضى فان الدكتور/ ناصر لم يكلف نفسه معاناة تكليف الممرضات قولا او كتابة بالاوامر الخاصة بالطبيب برعاية المريض لرعاية الخاصة لحالته الحرجة مما ادى الي انتحاره من الدور الثانى.

هذا و قد افاد المدير المسئول( الدكتور/ ابوزيد محمد ابو زيد) مخاطبا اهل المرضى: بانه ما لوش لازمه الدوشة لان المريض لم يمت؟!!


أكد اقارب المرضى ان الدكتور ناصر قام بتوثيق المريض بطريقة غير ادمية وان ادارة المستشفي ارتكبت خطأ قانونياً وانسانيا تجاه المريض بحرمانه من العرض علي الطبيب النفسى في نفس يوم الاصابة او اليوم التالى لوجود اصابة بالمخ من عدمه بعد السقوط من الدور التانى بالعناية


و عجبا لان المفروض ان يتدخل الوزير كما حدث فى حالة اللمريض عاطف محمد عبدالمنعم الذى ألقي بنفسه من الدور الثالث في مستشفي النيل للتأمين الصحي 2006 فبراير .

وياتى العجب نظرا لقيام مريض اخر بالانتحار فى نفس المستشفي قبل عدة شهور!!!!.



الرجا من الوزير عدم الاكتفاء بالتقارير القادمة له لان المدير و الاطباء يسوون كل شيء و كله تمام - مشى حالك -ما لوش لازمه الدوشة-

..............



ومع ذلك كله فان المدير يقود المستشفى بنفس طريقة (( مشى حالك البدائية)) وما زال يقوم بتعيين اطباء تكليف و اخصائيين غير مدربيين وغير مؤهليين علميا فى اماكن حساسة بالمستشفى مثل الكلى و العناية المركزة و الموتى يتساقطون يوميا........
ما زالت شكاوي المواطنين من اهالي الاسماعيلية من عدم وجود انضباط بالمستشفي‏ العام . فمطلوب اذا من الاستاذ الدكتور/ حاتم الجبلي وزير الصحة ان يفحص الاهمال بكافة صوره فى هذا المستشفى. الرجا تلافي هذا القصور ومحاسبة المقصرين واتخاذت الاجراءات القانونية اللازمة .

ان ضعف مستوي الأطباء العلمى و العملي داخل هذه المستشفى هو السبب في تكرار الاهمال وقصورهم في تطبيق خطط العلاج المعمول بها عند استقبال واخراج الحالات الحرجة والخطيرة داخل العناية والباطني و العمليات الجراحية..

يلاحظ ان اختيار الاطباء الاداريين لا يعتمد علي اية من هذه الشروط و المسابقات المتعارف عليها في اي مستشفى. بل يتم حسب المعرفة والمصلحة مع المدير و وكيل الوزارة بمديرية الشئون الصحية بالاسماعيلية د/ محمد الشرقاوى بالرغم من تعيين كوادر من الاطباء الحاصليين على الدراسات العليا من دكتوراة و ماجستير و مشرفات تمريض حاصلات على بكالوريوس و ماجستير الا ان المدير يعيين في ادارة الوحدات العلاجية دون اعلان او مفاضلة قانونية و كله بالواسطة ولا ايه مش عارف؟؟

ان تطبيق بروتوكول او خطة العلاج المعتمدة داخل المستشفيات وإخضاع الأطباء بمختلف تخصصاتهم الطبية إلى دورات تأهيلية تمكنهم من أداء مهمة مباشرة الحالات الخطيرة من دون تقصير وذلك من خلال تشكيل لجنة لهذا الغرض. ......... وليس كما حدث حيث اختار المدير بعض اصدقائه للدورات بطريق المواراة حيث اخفى اوراق التدريب المفترض نشرها و قام بنشرها بعد فوات موعد التقدم للاعلان حتى يستطيع استخراج الاموال اللازمة في الخفاء لاصدقائه الاطباء المقربيين له فقط!!!!!!!!!
الرجا من الوزير عدم الاكتفاء بالتقارير القادمة له لان المدير و الاطباء يسوون كل شيء و كله تمام - مشى حالك -ما لوش لازمه الدوشة-

..............

يلاحظ الان انه تجري عملية فبركة للاوراق بواسطة الاخصائى النوبتجي لذلك اليوم حتي لا يظهر سبب عدم مروره (حيث كان بالعيادة ثم انتقل لزيارة منزلية وعاد للتوقيع 1:3 ظهرا).

يلاحظ انه لم يقوم باية عروض للاعصاب علي مدى يومين كاملين الاحد والاثنين للمريض الذى كان في حالة عصبية سيئة .

وقد قام نفس الاخصائى بالتعاون مع بعض الزملاء بنقله للقسم الداخلي المجانى الاربعاء التالى للتخلص من مشاكل اهل المريض. و يلا حظ ان الطبيب المقيم هو الذى قام بكتابة العلاج له و رفالاخصائي الدكتور ناصر كتابة العلاج في تذكرة الباطنة اطلاقا متبرءا من المريض او متخلصا منه.......!!!

اهل المريض قاموا باخراجه نظرا لموقف الاخصائي المتعنت الذى رفع من قلبه الرحمة و موقف الادارة المتخاذل.

ملائكة الرحمة حقا

الرجا من الوزير عدم الاكتفاء بالتقارير القادمة له لان المدير و الاطباء يسوون كل شيء و كله تمام - مشى حالك -ما لوش لازمه الدوشة-

..............

و عجبا لان المفروض ان يتدخل الوزير كما حدث فى حالة اللمريض عاطف محمد عبدالمنعم الذى ألقي بنفسه من الدور الثالث في مستشفي النيل للتأمين الصحي 2006 فبراير .

وياتى العجب نظرا لقيام مريض اخر بالانتحار فى نفس المستشفي قبل عدة شهور!!!!.

ومع ذلك المدير يقود المستشفى بنفس طريقة (( مشى حالك البدائية)) وما زال يقوم بتعيين اطباء تكليف و اخصائيين غير مدربيين وغير مؤهليين علميا فى اماكن حساسة بالمستشفى مثل الكلى و العناية المركزة و الموتى يتساقطون يوميا........
ما زالت شكاوي المواطنين من اهالي الاسماعيلية من عدم وجود انضباط بالمستشفي‏ العام . فمطلوب اذا من الدكتور حاتم الجبلي وزير الصحة ان يفحص الاهمال بكافة صوره فى هذا المستشفى. الرجا تلافي هذا القصور ومحاسبة المقصرين واتخاذت الاجراءات القانونية اللازمة .

ان ضعف مستوي الأطباء العلمى و العملي داخل هذه المستشفى هو السبب في تكرار الاهمال وقصورهم في تطبيق خطط العلاج المعمول بها عند استقبال واخراج الحالات الحرجة والخطيرة داخل العناية والباطني و العمليات الجراحية..

يلاحظ ان اختيار الاطباء الاداريين لا يعتمد علي اية من هذه الشروط و المسابقات المتعارف عليها في اي مستشفى. بل يتم حسب المعرفة والمصلحة مع المدير و وكيل الوزارة بمديرية الشئون الصحية بالاسماعيلية د/ محمد الشرقاوى بالرغم من تعيين كوادر من الاطباء الحاصليين على الدراسات العليا من دكتوراة و ماجستير و مشرفات تمريض حاصلات على بكالوريوس و ماجستير الا ان المدير يعيين في ادارة الوحدات العلاجية دون اعلان او مفاضلة قانونية و كله بالواسطة ولا ايه مش عارف؟؟

ان تطبيق بروتوكول او خطة العلاج المعتمدة داخل المستشفيات وإخضاع الأطباء بمختلف تخصصاتهم الطبية إلى دورات تأهيلية تمكنهم من أداء مهمة مباشرة الحالات الخطيرة من دون تقصير وذلك من خلال تشكيل لجنة لهذا الغرض. ......... وليس كما حدث حيث اختار المدير بعض اصدقائه للدورات بطريق المواراة حيث اخفى اوراق التدريب المفترض نشرها و قام بنشرها بعد فوات موعد التقدم للاعلان حتى يستطيع استخراج الاموال اللازمة في الخفاء لاصدقائه الاطباء المقربيين له فقط!!!!!!!!!
الرجا من الوزير والنقابة عدم الاكتفاء بالتقارير القادمة له لان المدير و الاطباء يسوون كل شيء و كله تمام - مشى حالك -

..............

Anonymous said...

can i ask you a question??
wa en makansh feeha eleet adab ya333ny???
enta doctooor geeebo malyaaan wallla ...
betestana cartoonet el beeed el hamdana we merabet kaha we kees el sokar el makhrooom betooo3 kol osboooo3 men el mostashfaaa???

Anonymous said...

أحسنت

Anonymous said...

كالعاده ابهرتني سيناريو رائع وواقعي حلو اوي الفيلم ده علي فكره انت مش بتفكر تكتب سيناريوهات هتجيب فلوس اكتر من الطب طاوعني وجرب

Anonymous said...

يبقي الحال علي ماهو عليه
الميتنج اتلغي ياكلاب وجزا لكل الحيوانات الهاربة

وانت جيت علي الجرح
وياريت اغنية تقطعني اة قرش حشيش يتوهني

او روتانا سينما
مشحتقدر تفتح عنيك
S
T
R
O
N
G

ياسمين-المحلة said...

يا شباب
هااااام جدااااااا
أولا بالنسبة لموضوع النيابات و تسجيل الدراسات العليا
أنا دكتورة في طور التكليف لسة
وكان ممكن آخد نيابة في حاجة انا مش عاوزاها أو على أحسن تقدير آخد نيابتي في دارفور لأني جايبة جيد
المهم.... أنا سلكت أموري زي مانتو عارفين بقالي حوالي سنتين وسجلت فعلا في التخصص اللي أنا عاوزاه
بس في حاجة بقى :أنا من قبل التسجيل وبعده قدمت أكتر من شكوى وطلب في نقابة الأطباء ولأعضاء مجلس شعب بألغاء القانون القاتل ده اللي مايخلينيش أكمل دراستي في التخصص اللي أنا عاوزاه في أكتر وقت مناسب"بعد الامتياز أو حتى سنة تكليف"
وكانت آخر مرة في فبراير 2008 قدمت الطلب ده لدكتور حمدي السيد وعليه توقيعات أطباء كتير أعرفهم ومن اللي قابلتهم في النقابة يومها
وان شاء الله مش هتكون آخر مرة لغاية مانغير المصيبة دي
مش معقول يبقى من حقي أحضر في أي مكان في الدنيا في أي تخصص الا في بلدي
اللي عاوزة أقوله ان مافيش مانع نلتف على قوانين غلط ونعمل مصلحتنا طالما ما بناخدش حق حد ولا مكان حد بس لازم نحاول نصلح الوضع ده علشان غيرنا وعلشان ربنا هيسألنا يوم القيامة عملت ايه لتغيير الوضع الغلط ده؟؟؟؟؟؟
مش كنت عارف انه"من راى منكم منكرا فليغيره....:"
خلاص يا جماعة؟ اجمعوا توقيعات وارفعوا قضايا واعملوا كل اللي تقدروا عليه علشان في غيرنا مش عارف ياخد حقه وفي اللي مش معاه فلوس يدفع
وأنا شخصيا لي أخ لسة في طب يمكن لما يتخرج ما نعرفش نعمله اللي أنا عملته
الموضوع التاني بقى
موضوع السفر بره ونسيب البلد دي
أنا عارفة ان أكترنا وبالذات الدكاترة والمهندسين ممكن يسافروا بسهولة"اذا ربنا أراد طبعا" و أكيد وضعه في أي حته هيكون أحسن وأكتر آدمية من هنا
بس انت لما تسافر و تنقذ نفسك من اللي هنا ده هتقدر تاخد معاك كل الناس اللي بتحبهم وزعلان عليهم من كل اللي هم فيه ده؟؟؟
هتقدر تاخد معاك باباك ومامتك وأخوك ولا أختك الصغيرين علشان يلاقوا معاك تعليم أحسن وعلاج أحسن وأكل وشرب و حياة أحسن
هتعرف؟؟؟؟؟؟
أنا على فكرة فكرت في السفر وكنت بدور بجد وأخدت تويفل وبدأت أشوف أفضل الاختيارات
بس أنا لي أخ في ابتدائي لسة
أسيبه هنا ولا آخده معايا واسيب بابا وماما ولا أسيب أبن اختي اللي عنده سنة وبمووووووت فيه ؟
أنا لغيت فكرة السفر خلاص وقررت اني مش ههاجر " هسافر بس السعودية علشان أحج عن طريق شغلي هناك ولفترة محدودة لأن تكاليف الحج هنا كتيرة قوى""من استطاع اليه سبيلا" احنا لازم نفضل هنا ونصلح هنا علشان اللي بنحبهم مش علشاننا
أنا بيصعب علي قوي لما ألاقي أحلى ناس في البلد دي واللي مصبريني على الباقيين اللي فيها بيقولوا عاوزين نهرب ونسيبها تغرق
أمال فين الرجالة؟
في وسط البلد .. مانا عارفاكوا
علشان خاطري بلاش نفكر كدة
وافتكروا كلام ربنا"كم من فئة قليلة غلبت فئة كثيرة بأذن الله والله مع الصابرين"خلاص؟
على فكرة أنا عيني دمعت وأنا بكتب
وحياة ربنا لو بتحبوه خليكوا هنا وبعدين دي بلدنا لازم نرجعها لينا تاني ونحررها من الاحتلال الوطني الديموقراطي
وانت يا شريف لو سمحت بطل شتاااايم
قلتلك قبل كدة "امبارح"ان في حديث بيقول"ان الله لا يحب الفاحش البذىء" سواء كلام أو أفعال
أنت هتمر الأول ب"ويثدراوال سيمبتومس" بس بعدين هتخف
أنا عارفة ناس كانوا زيك كده وبعدين اتعالجوا واتجوزوا وخلفوا"عادي يعني" ماشي؟؟؟
معلش طولت عليكم
على فكرة أنا أول مرة أشوف البلوج دي امبارح بس بجد أنا حبيتكم كلكم قوي سلام يا قمرات ويا قمرين

;