أيها الزائر قبري .... أتل ماخط امامك

Wednesday, April 05, 2006

عودة الندل ... العرض خلص يارجالة

ياااااااااااااااااااااااااااااااااااااااااااااااااااااه
زمن طويل بالنسبة لي مر منذ اّخر تدوينة ... افتقدت الجميع حقا
كنت والله مشغول حتى النخاع الشوكي مع مخرج مسرحي صديق في عرض من عروض مهرجان المسرح الجامعي (كنت مسئولا عن الاعداد الموسيقي للعرض) ... أما المسرحية.. (رابعة العدوية).. فكانت لفريق كلية الطب البائس الذي يحلم دوما بالحصول على مركز متقدم وسط العمالقة القدامى ... وتصطدم الاحلام - كعادتها دوما - بصخرة الواقع .. الدعم المتواضع , افتقاد الجدية والحماس في بعض الأحيان من الممثلين , الأيدي الخفية التي تلعب في النتيجة لارضاء بعض المخرجين على حساب الاّخر ,أسباب كثيرة
بس والله العرض كان ناجح وممتاز بشهادة الجمهور واللجنة ... أعتقد أن كل من شارك في العرض شعر بأنه قد صنع شيئا مهما حتى وان اجتر احزان النتيجة في مرارة وسخط
أحيانا يكون الصوت الداخلي هو الأكثر صدقا ... حتى وان كان الوحيد
ماعلينا .... المهم ان العرض نجح يارجالة
وسلملي ع المهرجان

23 comments:

kalam said...

مبروك على العرض
ومبروك رجوعك بالسلامه
انت شحطتنى كل يوم
وكل ما ادخل الاقى الميت مات
فارجع تانى

حمد لله على السلامه

هوميروس said...

كل ده ياغالي بيحصل وانا جربته قبل كده كتير بس صدقني عمر النتيجه ما كانت مهمه المهم نشوة اللحظات الحلوة اللي الواحد بيعيشها في البروفات والقعدة الحلوة ما تتعوضش

السهروردى said...

أحيانا يكون الصوت الداخلي هو الأكثر صدقا ... حتى وان كان الوحيد
الجملة دى مش فاكر قريتها فين قبل كده
بس هى معبرة جدا
مبروك العرض
ألا بقولك
شفت عودة الفسل الجزء التانى على كده ؟
:)))))

Anonymous said...

Pleasssssssse don't be that late again

Anonymous said...

Pleasssssssse don't be that late again

حائر في دنيا الله said...

أحيانا نريد الدعم من الآخرين
ولكن يا صديقي يكفينا أننا نعرف قيمة ما نفعله وأنه لوجه الله ولوجه هذا الوطن البائس

يكفيني عندما أكتب كلمة أن أشعر أنها أصابت الهدف ولو كان الظلام الحالك هو المسيطر على المكان ولن يشعر بك أحد

هنيئاً لنا ولك العودة
يا دوك

على فكرة يا سهرودي كلمتك دي قريتها عند الأستاذ عبد الوهاب مطاوع رحمة الله عليه ودي نزل عليها كتاب بحاله فيه قصص تعبرعن النداء الداخلي
إنما اسم الكتاب موش فاكره

ادم المصري said...

ماشي ياعم عم الموسيقار

ملك said...

الف مبروك يا باشا .
جميل انك بتعيش الحاجات اللى بتحبها و مبتكتفيش بأنك تحلم بيها بس
بجد 1000000

451 فهرنهايت said...

كلام
الله يبارك فيك ... متشكر قوي ياغالي

هوميروس
معاك حق .. بس حكاية الببروفات بالنسبة لي خلصت من ساعة ماخلصت الكلية وبدا التكليف

السهرودي
بصراحة .. أنا مش فاكر اذا كنت قريت الجملة فعلا ولا لأ ... بس الكلمة كانت بترن في دماغي .. فكتبتها في ساعتها .. خصوصا لما أكون حاسسها قوي
أنا أعرف ان عودة الفسل لسة بيتصور عشان رمضان الجاي .. بيقولوا هايبقى فيلم ملحمي تاريخي رومانسي خيال علمي اجتماعي شامل
:p

أنونيموس
شكرا ياريس على انتظارك ومتابعتك للبلوج ... أوعدك تبقى اّخر مرة

حائر
وحشتني ياعزيزي ... متفق معاك , بس برضه لاأنكر قيمة الاستقبال الجماعي ... وشعور الناس بك وبوجودك .. وتفاعلهم معك (عمري ماشفت مدون مثلا مانع التعليقات تماما من على بلوجه.. أكيد هو عايز اللي بيهتم)... وراجع ردي على السهرودي بالنسبة للجملة

اّدم
موسيقار؟!!! طب ياريت

ملك
الله يبارك فيك ... الأجمل فعلا انك تسعى ورى الحاجة اللي بتحبها بدل ماتستنى نصيبك من الصدف السعيدة أو التعيسة
يالنسبة لي .. أعتقد ان اصراري على شيء معين أقل بكثير من رصيدي من أحلام اليقظة

change destiny said...

مبروك ... بس هي المسرحية كانت عن ايه ؟

إياكش تولع said...

حمدالله على السلامة يا باشا و ألف مبروك على العرض

مستنيين بوستاتك!

ألِف said...

غريب جدا أن أقرا تدوينتك دي النهاردة بعد أن دار في بيتنا مع ضيوفنا حوار عن رابعة العدوية، طرحت فيه نظرية لا أعرف مدى صحتها أنه كانت هناك أكثر من رابعة و أن قصصهم اختلطت، منهم غانية و تابت فعلا، لكنها غير الشاعرة الصوفية. عندك خبر؟

الأهم هو نادرة عن ابن لعائلة صديقة كاد يجن و يتقافز على الحيطان و هو يشاهد بدايات فيلم رابعة العدوية (و لم يكن يعرف حكايتها) لأنه لم يتخيل أن يقام مسجد جوار بيته لراقصة..لكن هو ضايع و غالبا كان فاكرها رقاصة ساكنة في مدينة نصر.

:)

mindonna said...

نفس الحماس المفقود عندنا ف فريق مسرح الكلية
بيبقو جايين غالبا لإثبات ذات ، أو لتجربة شيء أو لقتل الملل و دايما مش كتير تلاقي فيهم واحد بيحب المسرح فعلا
عشان كده المخرج بيطلع عينه غالبا عشان يوصلو لمستوي معقول في مشهد ما

بس انا بحب أحضر بروفات المسرح :)

karakib said...

أحيانا يكون الصوت الداخلي هو الأكثر صدقا ... حتى وان كان الوحيد
كلام حلو اوي 000 و مدونه جميله
اول مره اجي هنا بس حلوه

وارف said...

طول عمر كلية طب هي الأخير في المسابقات مش عارف ليه ، هل لاهتمامهم بالمذاكرة أم لأن كليات الطب تقتل المواهب مثلما فعلت مع كثير ولم تفعل معي والحمد لله ؟

على العموم ربنا يوفقك وإن شاء الله مركز متقدم

أخوك إسلام الجمل

sonia said...

welcome back ;)

Ahmed Shokeir said...

مبروك العرض يامعلم
بس الموسيقى المصاحبة للعرض كانت إعدادك ولا تأليفك وليه ماحطتش جزء منها فى التدوينة دي

أعتقد إن بداية المسرحية كان ليها جماهيرية
;)

ادم المصري said...

الله ايه هو كده بس .. انت هتنقتنا بالكلام ولا ايه ؟

ادم المصري said...

http://et7ad-modwnin.blogspot.com/


ياريت نزور الاتحاد

هوميروس said...

انت فين ياغالي

451 فهرنهايت said...

CHANGE DESTINY
مضمون العرض ... هو اسمه .. بس كان فيه اسقاطات عن الوضع المعاصر... فهمت حاجة؟

اياكش تولع
الله يسلمك ياريس شكرا

ألف
اللي أعرفه ان قصص المجون والعربدة دي نخعة تاريخية .. هية من الأصل من بيت متدين ولم تكن الصوفية عنها ببعيد ( يعني مخها مالسعش لما عماد حمدي مات فاتجهت لربنا)
حلوة حكاية الأخ الضايع دة ... فيه منه كتير على فكرة .. شكرا على تعليقك

ميندونا
أنا أصلا كنت بامثل في فريق الكلية قبل ماأتخرج .. وفضلت مرتبط روحيا بالكاست ... ساعات البروفات تكون مملة ... ساعات كتير الحماس يهرب , ويراود الواحد منا الشك في جدوى مايفعله ... لكنه في النهاية جو مختلف ومحبب لمن جربه

كراكيب
شكرا يازعيم ... ياريت ماتبقاش الزيارةالأخيرة

وارف
حكاية المراكز دي , وليه , وازاي عايزة قعدة طويلة ... بس حكاية المذاكرة والانشغال دي مش سبب أساسي على فكرة

سونيا
متشكر ... وماتبقيش تنسينا
:)

شقير باشا
حمد الله ع السلامة تاني ياريس
لأ تأليف ايه؟ ... دة اعداد بس .. من موسيقى الناس مابتستمعهاش ... او بتسمعها بس مابتاخدش بالها منها ... مافكرتش بصراحة أجيب منها حاجة هنا .. ماأعرفش ليه

اّدم المصري
والله ياسيدي أنا في ظروف مايعلم بيها الا ربنا ... ماعدتش منتظم لا في التدوين ولا في المرور على الناس ... معلهش .. ماتزعلش مني ... والاتحاد أنا زرته بسرعة ومالحقتش أعلق ... أنا مبسوط والله ان سعيك ورا موضوع عمل نتيجة وجاب تأييد
أنا عموما بأعجب بالناس الايجابيين
ربنا يوفقك

هوميروس
أنا أهو... بس سامني اليويمن دول

Anonymous said...

Your are Nice. And so is your site! Maybe you need some more pictures. Will return in the near future.
»

Anonymous said...

I really enjoyed looking at your site, I found it very helpful indeed, keep up the good work.
»

;