كثيرا ماتستفزني حكاية تصدير الاّيات القراّنية على المحال والدكاكين عمال على بطال ربما للتدليل على نزعة ايمانية عميقة و ترك انطباع لدى الزباين بان (احنا شغالين على مية بيضة ياأستاذ) ... أو ربما طمعا في بعض البركة , أو جايز على سبيل الموضة والعوم مع التيار ... كل شيء جايز أفهم أن أجد دكانا للفاكهة يضع اّية .. (وفاكهة ممايتخيرون) 0 أستوعب أن محلا للدواجن يضع على الجدران القيشاني لوحة للاّية (ولحم طير مما يشتهون ) 0 أتوقع وجود محل ملابس يضع اّية (ولباسا يواري سوءاتهم) 0 أضحك أمام لوحة لمرشح ما يصدّر الاّية ( ان ينصركم الله فلا غالب لكم) 0 استسلم تماما للكولدير المكتوب عليه (وجعلنا من الماء كل شيء حي) 0 اتعجب عندما اجد مطعما للفول والطعمية كتب داخله (انهم فتية اّمنوا بربهم وزدناهم هدى) 0 الشيء الذي يغيظ حقا أن تجد كشكا أخضر مجهول الهوية , في منطقة شبه مهجورة .. و مكتوب عليه بخط واضح (فأغشيناهم فهم لايبصرون) !!!!؟ 0
24 comments:
lool ... nseet elyafta el3zeema bta3et m7lat 3ser el2asab w mlok elcocktail ( w sakahom rabahom sharaban tahoran)
موضوع مهم جدا وأنا كملت عندي. شكرا لك
احسنت كعادتك فى التقاط ما تكتب عنه، الغريب اننا قد نراه حولنا ولكننا لانلتفت له بهذة الرؤية فى الرصد والتحليل...
تحياتى ياطبيب و مرحبا بعودتك فلقد افتقدناك بالفعل....
على ذكر فأغشيناهم
أعرف مقاولا من الحرامية الكبار ، أثناء استلام مهندسي الحي لعمارة من عماراته كان يقرأ فأغشيناهم فهم لا يبصرون ، حتى لا يلاحظوا المخالفات الموجودة داخل المبنى ، الطيف انهم لم ينتبهوا فعلا ، و صار المقوال يخبر كل من يعرفهم بالحدوته ، ربنا ما يمسيه على خير
يمكن بتاع الكشك ده قصده على بتوع الازالة
:D
loool e7'tyar mowafek el 7a2ee2a
motagra bel deen? 3arfeen en el sha3b yet7me2 awy 3ala ay 7aga fi zaherha tadayon....7'ed3a bel mazahar ..ya3ni..yed7ko 3la sha3b beta3 masha3r we ta3sob a3ma!
welcome back...))
طب ده أنا شفت واحد كاتب حاجة ، بصراحة ماقدرتش أمس نفسي من الضحك على ذكاء الواد ده
أولا
هي عربية مش فاكرة كانت بتاعة كبدة او فول او يمكن بسبوسة
كاتب ايه يا سيدي
"
إزاي أقول ملكي ....
ثم يضيف بخط عثماني بالتشكيل
ولله ملك السموات والارض ؟
"
يا سيدى
كبر دماغك
يعنى جت على الايات القرانية؟
طب ركز كده مع العبارات اللى مكتوبة على ضهر الميكروباصات
يا سلام..قاموس جديد
تحياتى
كويس ان صاحب الكشك الاخضر مكتبش ,,مع عم عبده مش حتقدر تغمض عنيك
و لا كتب ,,اللي يحبنا مايضربش نار العروسة حامل
يا عزيزي البلوجري
الكلمات اصبحت كاللبانة نمضغها حتي نأخذ سكرها ثم نرميها
و ربما بعد ذلك لا نذكر باي نكهة كانت
ربما من فرط مرارة الحياة
تحياتي
اه صحيح تفتكر يقصد ايه ؟
كعادة جميع بوستاتك القصيرة يا زعيم......مركزة!!!!
بس بالمناسبة ...انت نسيت محل عصير القصب اللى بيكتب تحت اليافطة(و سقاهم ربهم شرابا طهورا)
هي عبادة قبل ان تتحول لعادة ان تبدأ أمر ما باسم الله
أما ان تكون هذا شعار لهذا او اعلان عن ذاك فذلك أعتقد انهش شيء غير مقبول حتماً
ولكن الكشك الأخضر شكله يا دك بيبيع دوا
:)
madam elkoshk akhdar yeb2a khayef min betooo3 mokaf7et elmokhadrat :)
really great blog ...
ههههه أكيد قصده إما عن "البلدية" (يمكن مش مرخص الكشك) أو من "الديّانة"!!! بس تصور .. عبقري ... ساب كل واحد يفسر زي ما هوا عايز!!
شعبنا كده هنعمل ايه بس
لكن بجد هو الغريب الكشك ده
ايه رأيك اني شفت علي عربيه مقطوره كاتب في اخرها( فأغشيناهم فهم لا يبصرون ) اكيد عايز السواقين اللي وراه يلبسوا فيه
ربما يتوقف هذا على نوع البضاعة المباعه .. فى بضايع كده يعنى :P
وبعدين هى جت على المحلات .. احنا لو بصينا للى طالعين من الجامع وتصرفاتهم حنستغرب ,ولو راقبتهم قبل الصلاة حستغرب اكتر .. مش كلهم طبعا ... ولو , ولو ....
اسمحلي اضيف للقائمة طبيب العيون
"فبصرك اليوم حديد"
شفت الفكهانى اللى كتب على محله
الموز علينا حق
:)
على فكرة كل من يكتبون على سيارتهم
فأغشيناهم فهم لا يبصرون
مجرد خائفيين من ضباط المرور
و ألا كانت الأية موجهه الى الركاب و الناس و هذا شئ غريب
الغريب أنى وجدتها مكتوبة على عربة سرفيس
و تحتها مكتوب يابركة أم النور
فتعجبت
هل السائق مسيحى ام مسلم
هذا لا يشغلنى فى شئ
و لكنى أعتدت على ان السائقين المسيحين يكتبون
يا بركة أم النور
الرب راع فلا يعوزنى شئ
أبو سيفين
و كلمات مباركة أخرى
و لكن أن يضع أحدهم أيه قرآنية و أنجيلية معاً فهذا غريب
ألا انى استنتجت انها عربة شركة ما بين شريكين أحدهما مسيحى و الاخر مسلم
لا بجد الموضوع ده كنت ناوى أتكلم عنه بعد ما شفت عند محل أبو ربيع بتاع الفول
"و كان أبوهما صالحا"
و نفس الجمله برضه كتبها واحد تانى يبقى أبن عم واحد صاحبى...المشكله أن صاحبى بيقول على عمه أنه كان راجل أبن ...
i heard from a guy who works with us that a tailor "tarzy" wrote on his shop "wa fasalna kol shay2in tafseela" i thought this was horrible elsara7a
nice post
هذه اول مره امر علي مدونتك
مليئه بالابتسامه والضحك
بس الغريبه ان الاسم حفار قبور؟؟؟
تحياتي-ودمت سالما
تذكرني بعربة ترمس حقيرة في الاسكندرية يجرها بائع بلت قدميه من التجول في الشوارع والازقة لبيع بضاعته. رغم القحط اللي هو فيه كاتب على العربة (هذا من فضل ربي) أمال لو مش من فضل ربه كان بأه أيه حاله
Post a Comment